W sumie miało pójść na forum ogłoszenia drobne ale może tutaj znajdzie się zainteresowany a dla niektórych to nowe doświadczenie :
Skuli gibkiego wyjazdu do onkla w Reihu sprzedom drapko:
wertiko na wysoki glanc, szrank z trzyma dźwiyrzami, szeslong odwanckowany, dwa ligistule, sztyry gardinsztangi, gramofon na kurbla, jedyn kromlojchter na świczki, dwa zicherongi i sztyry byrny przyndzione, cyja, landszaft zagraniczny, blumsztynder z mertami, jedna donica ze sznitlochym, bifyj z szuflodami na nici, durszlag na nudle, pół funta hawerfloków, stryknadle, heknadle, zicherki, tolszery, kartofel – presa, cwitry, maszynka na gychaktes, biksa po magiwyrflach, topfkracer, flaszenpucer, szpangi do włosów, śranczek na szczewiki, fyrlok, ausgus, trzi kokotki, badywana, waszbret, kohlkastla, hok z mesingowym gryfym, bratruła, żdżadło, klajdsztynder z pelcmantlym i hutym, hozyntregle, spodnioki bez rostfleków, trzy pory fuzekli sztrykowanych i posztopowanych, sześć bindrów na gumie, kiecka z krałzkami, modny cwiter z golfym, ślubny anzug z kulami na mole, szczewiki z wysokim kromflekiem, abzace, dwa oberhymdy z ibrycznym kraglym, holcbajn, kryka, ryczka z nachtopem, gybis po fatrze, szkrobione taszyntuchy, bigelbred, złote załośniczki z gizlokami, brołtbiksa, kloper, ślinzuchy na kurbla, szuflodka na cwist i knefle, bigle heklowane, lojfry, tepich, krałzy, sześć kompotzislów, dwie szolki, trzi kible, waszpek, aszynbecher, śmiotek i szipa, sebuwacz, modro tinta, sztyry blaje, szlojder do bajtla, sztrajhejcle, pół funta preswusztu, kranc leberwusztu, trzi krupnioki, żymlok, modro kapusta, hefty, buchy i pukeltasia łod cery,
galoty po opie, fojercojg, blank nowe lacie, nec na dauerwela, portmanyj, taszka i brele po omie.
Wszistko to idzie łobejrzeć łod ćmy do ćmy u Grejty Harboł, Frynszita kole Kochłowic, ulica Kyncka numer łoziem. Przelyźć bez ajnfart kole hasioka do hinterhauzu. Fórtka na kecie.
Pozór! Gelynder złomany!
ktoś chętny do zakupu??
To jest tak stare,że pamiętali to najstarsi górale ,których już niema. A jak już stare kawały to: jak się nazywa mieszkaniec Górnej Wolty po śląsku? ...gorol.
W kwestii formalnej: autorem tekstu jest Pan Józej Biskup - rybniczanin mieszkający w Kanadzie
Pierona chopie jo potrzebuja rajsentasza i cwingi coby bety spakować poślij te ogłoszynie tukej - może wiyncyj ludzi sie znojdzie
Dobry był ten szlojder? Z czego była gabla?
Klopsztanga boła jeszcze dzisiok rano ale żech sprzedoł pewnej dziołszce więc mom tylko tyla co w ogłoszyniu. Pozdrawiom czamuś tyj dziołsze nie doł klopra do kompletu Przyszła z synem więc bajtel dostoł szlojder
Klopsztanga boła jeszcze dzisiok rano ale żech sprzedoł pewnej dziołszce więc mom tylko tyla co w ogłoszyniu. Pozdrawiom czamuś tyj dziołsze nie doł klopra do kompletu
Jak bym coś zrozumiała to może bym i coś potrzebowała
Ja bym potrzebował klopsztange, ale w wykazie nie widzę
To jo chyntnie sie wezna te spodnioki i sześc bindrów na gumie A na gelynder byda uważac. Hmm... raczej powinno byc "Fryncita" niż "Frynszita" (Nowy Bytom). Pozdrawia były mieszkaniec tejże właśnie dzielnicy Rudy Śląskiej. Od roku mieszkam w innej dzielnicy, a za jakiś dłuższy czas, mam nadzieję że w jeszcze innej...