synek z hołdy

cześć Bodzio i cało reszta, pierunie, już przeszły trzi lata, jak zech sam łostani roz boł. a sam sie nic niy zmiyniyło, dali siedzi taki jedyn i pisze po ślonsku pozdrowiynia z zagranicy jan

dobry, już przeszły dwa miesiące, jak zech sam łostatnio pisoł. no ja. już 10 tydni zech jest na riwierze (ci, co tyn wic znajom, wiedzom co mom na myśli). aż sie brzidnie. wiyncy siedza u doktorów, aniżeli w doma. teroski mom tyn gips sciongniynty i poradza pisać już 8-mioma palcami. te dwa łostatnie niy chcom jakoś jesce L przez te byczynie sie w doma, przityło mi sie troszka. pieronie, niywtore galoty mi niy pasujom. moja mi pedziała, ze mie wyśle na gruba trocha robić, to mi tego chasioka trocha ubydzie. ja, ale jo by musioł trzi tydnie kamelom jechac w jedna strona, zanim bych sie dokuloł, a tyla urlopu ani niy mom. bez te tydnie miołech nareszcie trocha czasu do mie. muzyki zech sie posuchoł, filmy połoglondoł. n.p. zech sie obejżoł wszystkie trzi odcinki ło Pawlaku i Kargulu. hej, tak zech sie downo niy pośmioł. jak by niy było, to już kupa lot, jak zech je łostatnio widzioł. jo bych chytnie łoboczył jeszcze dwa inne filmy: Sól ziemi czarnej i Perła w koronie. ino mie niy chcom sam z polski wysłać. może mi sie kiedyś poszczyńści. jo sie niy chca sam miyszać, ale po jakiymu pado „ballest”, że Barburka niy jest świynto. gupota, jak by łon na grubie troch robiył, to by takich gupot niy pociskoł. Ponbocek tys jest swiynty, to tak ludzie (kościól) padali, i tak łostalo. tak samo jest z barkurkom. ludzie tak padali, i tak łostanie. @Beaty, niy przezywej na mie, ale jak sie to fajnie czyto, jak wtoś niy poradzi po ślonsku, aby chcioł. to jest tak samo, jak jo bych teroz mioł z kymś czysto po polsku godać. tyn drugi by sie zastanowioł, co za cep przed niym stoi i faflo „po polskiemu” .... jak zech był modszy, to zech jesce poradzioł mówić. jak my byli z mojym kumplym pod namiotami w mikołajkach (koniec 70-tych lot), co zech sie dopiero zdradzioł przed dziołchami z warszawy, po 8 dniach. jedne gupie słowo. jo zech pedzioł zamiast „..ugotowałem sobie wodę..” „..uważyłem sobie wodę..” piyrw niy wiedziały, co to znaczy. musioł zech sie prziznać, z kond zech jest. potym to miołech przesrane. „..powiedz jeszcze coś po śląsku..”. każdy wiy, że na zawołanie to tak niy idzie. ale wtedy to spodobała sie moja godka taki Bożynce. hmmm!!! falne wspomnienia..... ale to już inno spiywka ja ludzie. trzimejcie sie. jo napisza juzaś niydugo. cu jan

szcześć boze hopy, dugo mie sam niy było. ja, jo chcioł, ale..... koniec października ida z mojom przez miasto. przełazymy przez droga na zielonym, jak naroz słysza głośno muzyka. patrza auto jedzie dyrekt na nos. jo sztuchnoł jesce moja meter dali, ale som nic niy zdonżoł zrobic. ani nogów podciongnoć, jak mie te auto pieprzło. wlecioł zech na maska i na szyba. potym niy wiym nic. łobudzioł zech sie w lazarycie. prawo noga w kolanie, lewo w kostce, prawe przedramie, obojczyk złomany. tych pierdołów ani niy liczy. doktory pozbiyrali mi do kupy dojś dobrze.ale jak prawie trzi tydnie leżysz jak kołek w lazarycie, to sie zastaniawiosz, bo mosz kupa czasu, co by było, jak by mie inacy trefioł. ale na szczynście jes zech w doma, a moji prawie sie nic niy stało. z tego wypadku pamiyntom ino, ze ten poltoń prawie przi radiu kryncioł, bez to nos niy widziol. potym zech sie dowiedzioł, że tyn cedzik dopiero dwa miesionce prawo jazdy mo. ale to niy wszystko. łon był pod narkotykami. i co takiymu zrobić? łeb urwać? z tego co zech łod policijantów słyszoł, tyn już jeździć autym som niy bydzie. a co mie to pomoże? kobyry połomane, som ani sie rzici niy poradza wytrzić. a jak mi sie na "miynta" zebiere, to tys nic niy zrobia. ino tyla dobrze, że moja na koniu poradzi jeździć, niy ino na dworze ja. jednom rynkom coś sam napisać niy jest ajnfach. na te pora zdań potrzebuja prawie dwie godziny. cowiekowi sie pier...., kaj co nacisnoć. dziesiyncioma palcami idzie to leko. byda pisoł juzaś, jak mi tyn gips sciongnom z rynki. cu jan

bodzio, ja, jo zech jest z piekor. ino mi ta hołda tak prziszła do gowy ... jo by sie zeszły tydziym melduwoł, ale mi sie jedyn computer spipcył. jo spróbuja napisać, co sie stało. możecie sie śmioć, ale niy przezywać. jak zech jesce w polsce boł (kupa lot tymu) , to zech niy mioł computera. a teroski niy moga wiedzieć, jak sie co nazywo. fto bydzie chcioł, to mie zrozumiy. a to było tak: mie zaczoł jedyn HD (twardziel?) szwankuwać. to biera jedyn nowy ze szranku i robia tzw. backup moich plików, jak naroz światło zacło migać. ja, skrzinia sie łobiesiyła. próbuja na nowo go włączyć, psinco, nic niy idzie. no ja, i co teroz? musza jakoś sprubować wszystko dostać nazot. w jednym forum pytołech sie, czy sie do coś zrobić. napisali mi, że sie do. ino jo potrzebowoł śtyry dni na to, aż moja staro bucała. ale wszystko jest nazot: filmy, muzyki kupa, zdjyncia łod familije (przedewszystkim łod mojego wnuka!!!) i byle co jesce. potym musiołech na nowo zainstaluwać moj XP, bo mój już śtyry lata stary boł. ale te pieruństwo mir godało, że jo potrzebuja aktywacja. bo jo gupi? byda sie u Billa meldówoł, bo łon tak chce? niy, pół godziny nieskorzi było wszyskto juzaś w pożondku ja, ale jo siedzioł do trzi ćwierci na trzecio rano przed monitorym, aż zech kwadratowych ślypji dostoł. no ja. a potym prziszła reszta. wszystko, co cowiek potrzebuje (abo i niy). nojgorzi boło mój mail-client narychtówać. jak sie mo 17 adresów, to jest biyda wzsystkie rzeczy spamiyntać. ale i to jakoś poszło. teroski jest zech tak daleko, że nawet z polskiymi czcionkami(?) pisać poradza. to by było dzisioj na tyla. za pora dni byda juzaś coś pisoł. cu jan

miyndzy Kozi Górom a Szarlejym. W poszczotku jest jedne świynte miasto, nad tym tyn nowy papierz w tym roku z helikopterym lecioł. prowda godom. jan

przeca jo buduja, żeby niy pedzieć: podbudowuja, tych ślonzoków, co swoja godka uchowujom znosz coś takiego: gulgul, a psio kref "google.com" ? cu jan

sczynść Boże chopy, jo jus lata niy żyja w polsce, i pora dni tymu szukołech coś ło slonski godce. no ja, i tu zech wylondówoł. fajnie sie cyto ta nasza godka. a jo na prowda jus mysloł, ze teroski żodyn juz niy godo, bo to niy jest w modzie. jak sie idzie pomylić!!! mie styknie ino, jak jo z mojom siostrom godom. łonia śpiewo pieronie, że jom prawie nic nie rozumia. a łod ni chopcy niy chcom zy mnom przez telefon ani godac, bo "wujka nie rozumią, jak on mówi". na moje stare lata niy byda sie przeca czysty polsczyzny uczoł. starego drzewa sie przecaś tyż niy przesadzo, abo? prodrowiynia do wszystkich ślonzoków, kere sie wlasny godki niy wstydzom. ino tak dali. jo byda na pewno jesce sam zaglondoł. cu jan