Ślonskie fanzolynie

sebo8877 · 9 Lutego 2006

Witom ludziska najsedecznij jak yno umia.

Przeroszom Was za moja dłużsoz nieobecnośc ale wiycie jak to jes jak sie remontuje chłaupa - tu trza zajechac tam zajechac to zrobic tamto zrobić.

Tak samo jak Wy łoncza sie z tymi wszyskimi kierzi staciyli kogos w tej slaskij tragedii - ale tak jak pisze bodzio za dużo wrzasków i hukow kole tego sie robi. ZYcia im nie wrocymy - teraz trza sie zastanowić co zrobic żeby tako tragedio sie nie powtórzyła.

Tyn nasz piekielny rzond - robi to co robi niby kontroluje te wszyski hale - ale jakos dziwnie one bulom sie dali ????

Tak jak ftoś powiedzioł niedowno - wnosza społeczny apel

"NIE odśnieżać dachu SEJMU !!!"

Co do śniega to u mie na podkarpaciu na mojij drodze wczora zumiynty mialy 3 m - wirnik aż z Rzeszowa przijechoł coby my mogli do chałup dojechac. Dziynki Bogu dzisio już ni ma wiatru i zumiynta sie nie bydom robić.

Bezmała ta Zima mo sie skonczyć za 4-5 tydni - dej Boze żeby tak było już mi bokiym wylazuje te szuflowani zamarznytej wody

Ale co skończy sie zima zacznie sie lato i zas bydymy musieli z tymi kosiarami wyjechac na te trowniki bo te zielone bydzie rosło - i zaś napeno ftos powiy że mu źle .

I jakby tyn Ponboczek nie robiył i tak wszystkim nie wygodzi.

Najważniejsze żeby kożdy z nas był zdrowy i nie boł sie roboty

Pozdrowiom serdecznie

Sebo8877

Zumiynt - zaspa

bodzio_g · 13 Lutego 2006

Z okazyji łodpustu w Bieruniu wklejom wom pieśniczka do świyntygo Walentygo- patrona 400- letnigo kościółka Bieruńskigo

Pieśń "O tym świętym Walencinie"

O tym św. Walencinie,

wielka sława o Nim słynie.

Jaki On to prześliczny był,

oliwnemu drzewu podobny był.

Panny mu się dziwowały,

wielkie dary Mu dawały.

A On na dary nic nie dbał,

przy Bożym Słowie zawsze został.

Prosił Boga Wszechmocnego,

by przemienił piękność Jego.

Pan Jezus Go w tym wysłuchał,

Św. Walenty księdzem został.

Gdy pierwszą Mszę celebrował,

wielki wrzód Go nagabował.

Rzucało nim po kościele,

od ołtarza aż po sienie.

Panny Mu się dziwowały,

i tak sobie rozmawiały.

Nie jest to Walenty Święty,

ale jest to czart przeklęty.

Gdy te słowa wymówiły,

to się w kamień obróciły.

Amen, amen tak nam Bóg daj,

byśmy przyszli w niebieski raj.

Byśmy się w niebo dostali,

z św. Walentym, królowali.

bodzio_g · 5 Marca 2006

ŁÓŻKO

ŁÓŻKO TO MEBEL STARY JAK ŚWIAT,

U NOS TYŻ ZWANY PRYKOLYM.

NIY JEST TO PRZECA ZWYCZAJNY GRAT,

A CZASYM NAWET HISTORIA POKOLYŃ.

W ŁÓŻKU SIĘ ZOWDY WSZYSTKO ZACZYNO,

CZY TO POD DEKOM CZY POD PIERZINOM.

NIYSTETY W ŁÓŻKU ŻYCIE TYŻ GAŚNIE,

JAK PRZIDZIE DOTRWAĆ TYN MOMYNT WŁAŚNIE.

JUŻ MAŁE DZIECKO SKOKO W ŁÓŻECZKU,

MAJĄC DOKOŁA PEŁNO ZABAWEK.

WTEDY RODZINA SIEDZI PRZI DZIECKU,

I PATRZY W NIEGO JAK W NIEBA SKRAWEK.

ŁÓŻKO TRZA DZIELIĆ ZE SWOJOM BABOM,

TO PRZECA ŚWIYNTY TWÓJ OBOWIĄZEK.

CZASYM JEST FAJNIE, A CZASYM SŁABO,

TAKI JEST PRZECA MAŁŻYŃSKI ZWIĄZEK.

JEDYN MO ŁOŻE IŚCIE KRÓLEWSKIE,

DRUGI TAKIGO NIY CHCE I WE ŚNIE.

NIYKIERYM STYKNIE WIYŃZIYNNO PRYCZA,

INNYM TRZA ŁOŻA SWEGO UŻYCZAĆ.

PRZIKRE NIYSTETY ŁÓŻKO SZPITALNE,

CZYNSTO TYN CHORY MUSI POCZEKAĆ.

SOM TO TENASZE REALIA FATALNE,

NAWET NA ZDROWIE ZAPOMNISZ NARZEKAĆ.

DUŻO MO LUDZI PROBLYM NIYMAŁY,

BY JAK NOJWIYNCYJ TYCH LATEK DOŻYĆ.

WAŻNYM JEST JEDNAK MORAŁ WSPANIAŁY:

BY W SWOIM ŻYCIU NIY CUDZOŁOŻYĆ!

autor - Henryk Polok

bodzio_g · 6 Marca 2006

O tym jak ... uniknołek ... WOJNY DOMOWY gorszej od światowyj

Tak do prowdy to jo som sie dziwia, czamu jo niy był na tym trefie w wawie. Juzech mioł narychtowany paszport i koperta , jakby niy chcieli mnie puśćić na bramie , kupiłek sie żyletki i pachnidła coby niy robić wsi w mieście, nawet zoki miołek wybiglowane....

A oprócz tego :

dlo wszyckich samców psycholi miołek napoju z wiagrą do woli

dlo pacjyntów z lazaretu - sok z Weronki zamiast maszkietów

dlo moderów śmiatek do wymiatanio

dlo pismaków gynsie pióra do szrajbowanio

dlo missek blank nowe półmiski

dlo misterów- stare handmiksery

dlo blondinek woda farbiono, dlo brunetek ...utleniono

dlo łysych szampon na "porost włosów", dlo brodatych - krauza osów

dlo zmarzniyntych tyju ze sztromym , dlo rozprażonych - herbatka z bromym

dlo młodych mlyko i mietła z mierzwy, dlo starych - kryka z wierzby

dlo Nikoli klocki lego łod omy , by pokozała jak sie buduje domy

a dlo siebie oczywiście ... kufla i pełno flaszek w kiście

Tak jużech był jak supermen objuczony, a ty nogle słysza łod ... pra żony

Te bodzio !!

ziymnioki naszkrobane ?

a gorki pozmywane ?

łapej sie za te PRONTO !!

a wto haziel posprzonto ?

Wiync sami widzicie jako tukej na ślonsku ciynżko dola

i slonzoka i ...gorola

coby wojny domowyj niy wywołać, musiołek wszytko wypakować

i do szrancku schować

Ale ... jak jeszcze trocha pożyjymy

to sie wkiejś trefiymy

i beczka piwa wypijymy.

ps. kończa i leca , bo mi wodzionka skipieje

tomek1950 · 6 Marca 2006

Bodziu, tym razem masz odpuszczony cinżki grzych choć ja farorz nie jestem

selimm · 18 Marca 2006

Fto ni mioł kaca ni wi co to smutek.

Kie kufo drewniano, łocka ropom skute.

Moze som i tacy co kaca ni mieli ,lec

co łoni culi ? Co łoni widzieli.

bodzio_g · 27 Marca 2006

Raport z wypadku na budowie

Jedyn murorz połamoł se rynce , szłapy i połobijoł głowa.

W raporcie z wypadku napisoł co mioł sniyść cegły z dachu 3 piyntrowyj chałpy na ziemia.

Załadowoł je do beki i kcioł je łopuścić za pomocą liny zamocowanyj na bloku trzymiąc lina na dole.

Nogle łokazało sie, że beka z cegłami jest ciynższo łod niego i łon pofurgnoł z liną do góry a …beczka z cegłami dół . Po drodze poobijoł głowa o beczka i polecioł aże do krążka, kaj palce połodziyroł o krążek. W tym czasie na dole z beczki wypadły cegły i pusto beczka pofurgła zaś do góry a łon na dół i zaś sie strzaśli ło się, a łon połamoł kostki u szłapy. Potym łon spodł na cegły, co sie wysypały, a beka pofurgła aże do …bloku. Jak się połobijoł ło ta kupa cegieł to … puścił lina z beczką , wtoro … spadła mu na głowa. Jo bych cheba tego nie przeżył…

Jak wtoś chce posłuchać orginalnygo nagranio ( mp3 - 3,5 mega), to mu pośla emalią

tomek1950 · 27 Marca 2006

Dawaj Bodziu, mnie możesz przysyłać bez pytania

bodzio_g · 1 Kwietnia 2006

Dawaj Bodziu, mnie możesz przysyłać bez pytania

posłałem Ci emalią , ale nie wiym czy doszło

bodzio_g · 1 Kwietnia 2006

Z pamiyntnika młodygo karlusa

Pierona jak tyn czas leci...

Minyło dokładnie 20 lot , wkiedy moja frelka pedziała mi , że jej do matury zostoł ino miesiąc a łona jest ...w ciąży. Zamurowało mnie wtedy , pytom sie twardo z kim ? a łona , że ze mną. Jo sie spomiarkowoł , że mnie cygani , ale nic..., godom jej , że musi se jakoś poradzic sama , bo jo ...ida do wojska na 2 lata. Wtedy łona godo mi , że może jest w ciąży, ino nie wiy dokładnie z kim. Rąbło mie to festelnie ale nic , jo zaś jej godom , że ida do wojska , ino nie wiym dokładnie czy na dwa lata , czy na trzy. Wtedy dziepiero łona mi godo , że to prima aprillis , a jo tyż jej godom , że żartowołek. Problem był ino taki , że jej sie prima aprillis udoł, a mnie nie , bo za pora dni dostołek bilet do woja , ale ino ... na 2 lata

frelka - dziewczyna

spomiarkować - zrozumieć

festelnie - mocno

dziepiero - dopiero

tomek1950 · 1 Kwietnia 2006

Dawaj Bodziu, mnie możesz przysyłać bez pytania
posłałem Ci emalią , ale nie wiym czy doszło

Bodziu doszło, ale nie po Śląsku

bodzio_g · 2 Kwietnia 2006

Dawaj Bodziu, mnie możesz przysyłać bez pytania
posłałem Ci emalią , ale nie wiym czy doszło

Bodziu doszło, ale nie po Śląsku

nie wiym jak Ty ale jo pękołek ze śmiychu - w krakowie i w wa-wie też mają poczucie humoru.

bodzio_g · 7 Kwietnia 2006

O...wypadkach

1. Romboł górnik klocek, romboł go pod ścianom

I przi tym rombaniu ciulnoł się w kolano

Że go zaskoczyło to nogłe zdarzynie

Na wcześniejszy wyjazd dostoł pozwolynie.

2. Poszoł se przekopym, jak mamlas po szynach

A tu na zakryncie „dup” w niego maszyna

Kieby się obejrzoł za siebie do zadku

To by boł uniknoł przikrego wypadku.

3. Stanoł i nadepnoł na kulok urżniynty

I gwość zaruściały wloz mu aż do piynty

Musioł borok siednońć na okorkow kupie

Zaroz poczuł drzizga w swojyj chudyj ....

4. Górnik aże skoczył, hełm mu ślecioł z głowy

I ciulnoł tom głowom w ring od obudowy

Buła mu wylazła na pośrodku glacy

Straciył równowaga i ciulnoł na cacy.

5. Jak lecioł na plecy, chycił za kolejka

Pelec mu prziczasła jakoś k... belka

Chycił za betonik, kiery wisioł z kraja

Betonik wylecioł, i dostoł nim w jaja.

6. Droty co tyczały, wlazły mu do miecha

Trza mieć k... noga pierońskigo pecha

Jeszcze zdonżył chycić jakoś deska z tyłu

Półka go prziczasła i ćwierć tony pyłu.

7. Godajom – wypadki, niy chodzom parami

Jak to jest naprowda słyszeliście sami

Tak jest niebezpieczno robota górnika

Niy rób nic na dole unikniesz ryzyka.

gabula · 8 Kwietnia 2006

Bodziu, nareszcie wiem czymu robisz na grubie

bodzio_g · 9 Kwietnia 2006

TAKI CHŁOP

taki chop jak łon bół

ciyngiem gorzoła piół

terozki go nima

gryzie go ziymia

a godołek mu godołek

nie pij, a łón

durch piół

taki chop jak łon bół

nockami w szkata groł

terozki go nima

gryzie go ziymia

a godołek mu godołek

niy groj, a łón

durch groł

taki chop jak łon bół

ino na rajdy szoł

terozki go nima

gryzie go ziymia

a godołek mu godołek

nie idź, a łóń

durch szoł

bodzio_g · 9 Kwietnia 2006

CYC

chocbyś mnie piłom porżnoł w pół

choćbyś mnie durch po ryju proł

jo cie byda kochała