Ślonskie fanzolynie

[selimm]

A zaglondoj i szrajbuj

 

łokurde Hanyski Gorol sie trefił

[tomek1950]

A zaglondoj i szrajbuj

 

łokurde Hanyski Gorol sie trefił

[bodzio_g]

Ale tu sie gynsto zrobieło ...

Witej synecku z hołdy - a skond żeś sie ty tu wzion ? przeca to forum ...budowlane a nie slonskie.

 

O prawdziwych menczyznach

chop wraco łożarty do chałpy i wali do pryka.Baba pado :

– Słuchej, może by my przed snem tak jeszcze...

– A mosz co do picio ? – ożywio się chop

– Nie chodzi mi o to. Może by my tak...

– E, dej mi spokój, ida spać...

Rozżalona żona krzyczy na cały głos:

– Boże, czy w tym domu mieszko jeszcze jakiś prawdziwy menczyzna?!

W tym momencie z okna piętro wyżyj wychylo się inszy somsiad.

– A co? – pyto. – mocie co do picio...?

[bodzio_g]

"Pytok"

 

Na łosiedlu w Bykowinie

miyszko jedyn taki synek

co jes mały i niy czyto,

za to sie durch w kołko pyto.

 

Kaj poczontek jes na kulce?

Czymu sie kluc krynci w dziurce?

Na co som roladzie nici?

Z czego sie karbitka świyci?

coch jom widzioł u starzika

jak my roz szli do chlywika?

Czymu kibic nosi szalik,

kej na karku mo mydalik?

Czymu w biksie siedzom śledzie,

a niy jeżdżom na rolerze?

Wiela wosów jes na gowie,

fto mi na to dziś łodpowie?

Wiela knefli mo nosz farorz?

Jo chca wiedzieć i to zaroz!

Starzik szuko łodpowiedzi,

cały czos przi piecu siedzi.

Kurzi fajka, kombinuje,

"już ci godom" - łobiecuje.

Starka tyż trocha myślała,

dała pokój - łosiwiała.

Tacie łeb spuchnoł jak bania,

skuli ciągłego pytania.

Nic niy godo, gowom kiwo,

wzion 3 złote, szoł na piwo.

Matka zaś pedziała tak:

"zaroz mie sam trefi szlag,

abo zaroz po niydzieli

jasny pieron wy mie szczeli.

Nerwica mie jakoś chyci

I naszczylo mu po rzici".

 

Jak pedziała tak zrobiła

i pytania zakończyła.

[synek z hołdy]

Witej synecku z hołdy - a skond żeś sie ty tu wzion ? przeca to forum ...budowlane a nie slonskie.

 

przeca jo buduja, żeby niy pedzieć: podbudowuja, tych ślonzoków, co swoja godka uchowujom

 

znosz coś takiego: gulgul, a psio kref "google.com" ?

 

cu jan

[jamles]

synek.... a po kieryj hołdzie żeś lotoł za bajtla

[synek z hołdy]

synek.... a po kieryj hołdzie żeś lotoł za bajtla

 

miyndzy Kozi Górom a Szarlejym. W poszczotku jest jedne świynte miasto, nad tym tyn nowy papierz w tym roku z helikopterym lecioł. prowda godom.

 

jan

[bodzio_g]

Synku z Piekor abo z hołdy...

cós licho nos tukej podbudowywujesz- pisuj czynścij...

[bodzio_g]

Ecik oznajmia Masztalskiemu:

– Miarkuj, synek! Jada samochodem do Anglii!

Na to Masztalski:

– A czy ty wiesz, że tam jest ruch lewostronny?...

Spotykają się następnego dnia i Ecik od razu zaczyna:

– Dobrze, żeś mi pedzioł o tym ruchu lewostronnym!... Wypróbowołech z Bytomia do Katowic. To jest koszmar!!!

[synek z hołdy]

bodzio,

 

ja, jo zech jest z piekor. ino mi ta hołda tak prziszła do gowy ...

 

jo by sie zeszły tydziym melduwoł, ale mi sie jedyn computer spipcył. jo spróbuja napisać, co sie stało. możecie sie śmioć, ale niy przezywać. jak zech jesce w polsce boł (kupa lot tymu) , to zech niy mioł computera. a teroski niy moga wiedzieć, jak sie co nazywo. fto bydzie chcioł, to mie zrozumiy.

 

a to było tak:

mie zaczoł jedyn HD (twardziel?) szwankuwać. to biera jedyn nowy ze szranku i robia tzw. backup moich plików, jak naroz światło zacło migać. ja, skrzinia sie łobiesiyła. próbuja na nowo go włączyć, psinco, nic niy idzie. no ja, i co teroz? musza jakoś sprubować wszystko dostać nazot. w jednym forum pytołech sie, czy sie do coś zrobić. napisali mi, że sie do. ino jo potrzebowoł śtyry dni na to, aż moja staro bucała. ale wszystko jest nazot: filmy, muzyki kupa, zdjyncia łod familije (przedewszystkim łod mojego wnuka!!!) i byle co jesce.

 

potym musiołech na nowo zainstaluwać moj XP, bo mój już śtyry lata stary boł. ale te pieruństwo mir godało, że jo potrzebuja aktywacja. bo jo gupi? byda sie u Billa meldówoł, bo łon tak chce? niy, pół godziny nieskorzi było wszyskto juzaś w pożondku ja, ale jo siedzioł do trzi ćwierci na trzecio rano przed monitorym, aż zech kwadratowych ślypji dostoł.

 

no ja. a potym prziszła reszta. wszystko, co cowiek potrzebuje (abo i niy). nojgorzi boło mój mail-client narychtówać. jak sie mo 17 adresów, to jest biyda wzsystkie rzeczy spamiyntać. ale i to jakoś poszło.

 

teroski jest zech tak daleko, że nawet z polskiymi czcionkami(?) pisać poradza.

 

to by było dzisioj na tyla. za pora dni byda juzaś coś pisoł.

 

cu jan

[bodzio_g]

Chopie - ty mosz recht

wracej ku nom, bo u nos światło nie migo , ino na szlag gaśnie.

A na co Ci 17 adresów , jo mom jedyn i mi styknie , reszta żech pokasowoł abo nie używom, a tak w ogóle to żech zmiynił adres... zamiyszkanio . Teroski już pora dni śpia kaj indzi, choć na tym samym placu ino z drugigo końca.

[bodzio_g]

Dzisiok mieli my wybory ...

Ślonzoki hurtym szli do urn i wybiyrali tych nojleszych

 

Pyto sie synek łojca:

- czy wszystkie bojki zaczynajom sie od " za siedmioma górami ..."?

- nie , niewtóre sie zaczynajom : " jak nos wybierecie , to obiecujemy, że..."

[synek z hołdy]

szcześć boze hopy,

 

dugo mie sam niy było. ja, jo chcioł, ale.....

 

koniec października ida z mojom przez miasto. przełazymy przez droga na zielonym, jak naroz słysza głośno muzyka. patrza auto jedzie dyrekt na nos. jo sztuchnoł jesce moja meter dali, ale som nic niy zdonżoł zrobic. ani nogów podciongnoć, jak mie te auto pieprzło. wlecioł zech na maska i na szyba. potym niy wiym nic. łobudzioł zech sie w lazarycie. prawo noga w kolanie, lewo w kostce, prawe przedramie, obojczyk złomany. tych pierdołów ani niy liczy. doktory pozbiyrali mi do kupy dojś dobrze.ale jak prawie trzi tydnie leżysz jak kołek w lazarycie, to sie zastaniawiosz, bo mosz kupa czasu, co by było, jak by mie inacy trefioł. ale na szczynście jes zech w doma, a moji prawie sie nic niy stało.

 

z tego wypadku pamiyntom ino, ze ten poltoń prawie przi radiu kryncioł, bez to nos niy widziol. potym zech sie dowiedzioł, że tyn cedzik dopiero dwa miesionce prawo jazdy mo. ale to niy wszystko. łon był pod narkotykami. i co takiymu zrobić? łeb urwać? z tego co zech łod policijantów słyszoł, tyn już jeździć autym som niy bydzie. a co mie to pomoże? kobyry połomane, som ani sie rzici niy poradza wytrzić. a jak mi sie na "miynta" zebiere, to tys nic niy zrobia. ino tyla dobrze, że moja na koniu poradzi jeździć, niy ino na dworze

 

ja. jednom rynkom coś sam napisać niy jest ajnfach. na te pora zdań potrzebuja prawie dwie godziny. cowiekowi sie pier...., kaj co nacisnoć. dziesiyncioma palcami idzie to leko.

 

byda pisoł juzaś, jak mi tyn gips sciongnom z rynki.

 

cu jan

[Beaty]

Witam

Mam prośbę.

Jusz nie daje rady- szukom i szukom i nic. Musza znaleść teksty ślonskiego kolendowania, tego łażonego po chałpach, po wiliji.

Pomóżcie pozdrawiam

[bodzio_g]

Witejcie

Jonek - przikro mi ale za to czynscij bydziesz na forum ...

Jo poradziesiont lot tymu miołek podobne zdarzynie. Szołek se w mieście G. na pewne fakultatywne zajęcia świtkiym kole połednia , doszełek do skrzyżowanio a tu nogle szast prast i kupa blachy przefurgło kole mnie a jo oberwoł jakąś maziom po pysku. Mie ciepło pora metrów dalij do żywopłota , na szczynście nie iglastygo . Potym sie okazało że ta kupa blachy to był osobowy merol cołkiym załadowany jajcami na handel , wtory sie łodbij jak pinpong łod autobusa. Łobaj szofery beli pewni że majom piyrwszynstwo na krzyżoku, bo jedyn jechoł na pamiyńć a drugi podłóg znaków, nale pora dni nazot drogowcy zrobieli... reorganizacjo ruchu na tym skrzyżowaniu. Jo jak bych stoł przi borsztajnie to bych ...tukej nie pisoł , a co do mazi to ... jak żech sie wrócił do łaziynki i spłukoł ta maź , to już żech wiedzioł , co czujom politycy jak łoberwiom jajcami po pysku

ps. wszyscy wtedy przeżyli ale w merolu ino motor był cały bo łon łoberwoł po ... zadku

[bodzio_g]

Beaty - po przeprowadzce nie znojda , ale ... poszukom abo ... popytom

[Beaty]

Super, czekom pzd

[bodzio_g]

Pamięci górników

 

Jeszcze sie przeżegnoł, synka pocałowoł

i poszeł na szychta górnik jedyn "stary"

łon swoji rodzinie pszonio niy żałowoł

ale był tyż chopym łod Świynty Barbary

 

Kyj zaczynoł szychta i właziył do szole

to patrzoł na słońce,rzykoł mi sie zdaje

coby po robocie głymboko na dole

zaś je mog łobejrzeć, bo mu bardzo pszaje

 

Razym z kamratami ściana rabowali

Skarbnik klupnył krykom i wybuchnył gaz

wtynczos ujrzoł piykne światło kanś w łoddali

"poć do mie Franciku, to już prziszeł czas"

 

I wziyna Barbara Francika do siebie

bo boł dobrym chopym, takich potrzebuje

chocioż niy łobejrzi słoneczka na niebie

teroz z aniołami duszyczki fedruje

 

Poszli ratowniki w czorno dziura w ziymi

Francika wołali, ale znodli ciało

teroz je wywiyźli i leży z innymi

i tak już łostanie - widać tak być miało

 

Niy smuć sie syneczku, żonko patrz do gory

teroz jest żech hajer u samego Boga -

tukej jest tak piyknie i spiywajom chóry

i teroz inaczyj byda wom pomogać

 

O Świynto Barbaro miyj na nich wejrzynie

coby im na zimi niczego niy brakło

a jak zaś na dole jakiś kamrat zginie

to weź go ku siebie, tam kaj piykne światło

 

Jan Kołodziej 22.11.2006

[bodzio_g]

Św. Barbara

 

Nie mamy na jej temat zbyt wielu informacji. Za datę jej męczeńskiej śmierci przyjmuje się rok 305 lub 306. Legendy mówią, że nadzwyczajnej urody Barbara była córką bogatego poganina Dioskura z Heliopolis w Bitynii (leżącej w północnej części Azji Mniejszej). Dioskur piękną swą córkę wysłał na nauki do Nikomedii, nie spodziewając się, że zetknie się tam z chrześcijaństwem. A Barbara przyjęła chrzest, korespondowała nawet z jednym z wielkich pisarzy chrześcijańskich Orygenesem i na dokładkę złożyła śluby czystości i odrzucała kolejnych kandydatów do swej ręki.

 

Dioskur jako wysoki urzędnik był bardzo przywiązany do swego stanowiska, gdy dowiedział się o wszystkim, bojąc się o swoją pozycję i urząd, stał się prześladowcą córki. Zamknął ją w wieży, głodził, osobiście oskarżył ją przed sędzią, a gdy zapadł wyrok skazujący, sam uciął jej głowę. Jak głosi legenda w czasie tej okrutnej egzekucji piorun zabił go.

 

Według legendy, oczekującej na śmierć Barbarze anioł przyniósł Komunię Świętą. Dlatego uważana jest za patronkę dobrej śmierci i na wizerunkach przedstawiana jest często z Hostią w dłoni.

Na Górnym Śląsku jej obraz lub figura znajdują się nie tylko w każdym kościele, ale i w wielu domach, a także w kopalnianych cechowniach.

 

przedruk

[bodzio_g]

Jak obchodzono Dzień Św. Barbary?

 

Barbórka rozpoczynała się porannym przemarszem orkiestry górniczej i Mszą Św. Górnicy grali m.in. swój hymn. Później odbywały się wesołe Biesiady Górnicze.

 

Organizowano również „skok przez skórę”. Symbolizował on przyjęcie młodych adeptów sztuki górniczej do stanu górniczego. W kulminacyjnym momencie obrzędu każdy z kandydatów kolejno wymieniał swoje imię, nazwisko, miejsce urodzenia oraz narodowość i podnosząc dłoń ślubował, że chce „Wbrew trudom naprzód iść, I w głębi ziemi drogę kuć”.

 

 

 

Z czego się składa strój górniczy ?

 

Czako – to czapka z pióropuszem. W pracy pod ziemią wysoka, sztywna czapka spełniała rolę hełmu ochronnego

Pelerynka - Czasami dla ochrony przed wodą kapiącą ze stropu naciągano na głowę kaptur, który przedłużał się w dłuższą lub krótszą pelerynkę.

Aksamitne paski z guzikami po obu stronach bluzy to pozostałości po zaszywkach, w które wtykano nasączone siarką lonty,by nie zamokły i były pod ręką.

Pióropusz – to symbol miotełki z ptasich piór, którą górnik wymiatał drobny gruz z otworów strzałowych, a nosił ją zatkniętą przy czapce.

Obecnie kolory pióropusza mają różne znaczenia: zielony - oznacza członka nadzoru, biały - sztygara, czarny - zwykłego górnika, czerwony - członka orkiestry górniczej.

Górnicza szpada obecnie jest odznaką honorową dla wyróżniających się górników. Wywodzi się ona z broni używanej przez średniowiecznych poszukiwaczy złota, którym służyła do obrony.

 

Jedną z rzeczy, do których górnicy są niezwykle przywiązani, jest godło górnicze.

Godło stanowią młot żelazny, pyrlik, nie mający wystającego górą trzonka oraz klin żelazny również na trzonku, zwany żelazkiem.

Obecna forma godła została opracowana w jednym z przedwojennych czasopism górniczych w „Techniku" z 1928 rok. Całość daje się wpisać w koło, przy czym pyrlik spoczywa na żelazku.

 

 

Barwami górniczymi są czerń i zieleń.

Czerń symbolizuje ciemności podziemia.

Zieleń symbolizuje uczucia pracującego górnika, tęskniącego do przyrody i światła

 

przedruk