Ślonskie fanzolynie

[bodzio_g]

Na Wielkanoc

 

 

Słowik śpiywo, słonko grzeje

i w zegrodce kwiotki rosnom,

koty miauczom, kokot pieje,

wszyscy w koło żyjom wiosnom,

 

Post sie kończy, rekolekcje

już skończyły sie w kościele.

Palma poświyncymy jeszcze.

Chłop już syr na kołocz miele.

 

Trza piyc babki i baranki,

kupić szynki i wyndzonki,

warzić jajka na pisanki

i poświyncić tyż świynconki.

 

Już Wielkanoc prziszła w końcu,

rano były rezurekcje,

teraz spacer wspolny w słońcu

i starka odwiydzić jeszcze.

 

Jutro z rana po śmierguście,

dziołszki poloć parfinym z wodom.

Niy jedyn tyż kiblym chluśnie.

Bydom jajca, jo Wom godom.

 

autor- fojerman

[tomek1950]

Dla Ślonzoków od Gorola

 

Pisanych jojecek, wirzbowych baziecek,

kiełbasy święconej i dużo krzanu,

do tego baby polukrzonej i kukiełki pieconej.

Zmartwychwstania w dusy i wiesny po usy.

[bodzio_g]

Alleluja

 

Momy Świynta Wielkanocy,

toż ogłosić światu trzeba,

że Ponboczek w swojij mocy

stanył z grobu, wloz do Nieba.

 

Trzi dni w grobie ciymnym leżoł,

bo na śmierć skozany zostoł,

nawet Pioter już niy wierzył,

a On z grobu tego powstoł.

 

Szatan zostoł pokonany,

choć Go kusiył dni czterdziyści,

On przekryślył jego plany,

w trzi dni wrociył, jak obwieściył.

 

Za nas oddoł swoji życie,

teroz w chwale triumfuje,

toż wołejmy tyż w zachwycie:

Alleluja! Alleluja

 

autor - Fojerman

[frosch]

http://www.slaskie-abc.com.pl/images/02/17.GIF

 

Siedzi se syneczek przi kałuży i pije ta woda.

Na to przichodzi tako stareczka we plyjdzie i pado mu:

- Synek, nie pij tyj wody, bo to je sam maras, puć sam ino do mie, dom ci szolka tyju...

- Proszę, co pani mówiła?

- A nic, nic, pij, pij goroliku, pij...

[Zochna]

froszka

[tomek1950]

froszka

Nieznane, a się podoba ?

[tomek1950]

Piękna nasza Polska cała...

[bodzio_g]

Po świyntach

 

Możno kery mi opowiy,

jaki mieli my te świynta?

Możno w końcu sie coś dowiym,

bo jo nic z nich niy pamiyntom.

 

Piyrsze świynto, już od rana,

jo nawiydziył bibliotyka,

zabroł żech sie do czytania.

Niy wiym kedych skończył czytać.

 

Dzisiej budza sie nad ranym,

w koło wszyndziy pełno ksionżek,

wszystki całe wyczytane.

Ale skond jo sie tu wzion żech?

 

W kalyndorzu już po świyntach,

a jo niy pamiyntom nic.

Jako z tego bydzie puynta?

Że to przeca yno wic.

 

autor - fojerman

[tomek1950]

Ze szwagrem to my niejedną książkę... napisaliśmy

[bodzio_g]

Ze szwagrem to my niejedną książkę... napisaliśmy

jo tam ...wola czytać, jeszcze wzrok mom dobry ...

[tomek1950]

Jo mom brile

[bodzio_g]

Jo mom brile

beztosz ... literki som barzij wykaligrofowane i ...wiyncyj stron idzie napisac nale potym przy czytaniu łoczka sie plonczom i ...lektura beztosz jest barzij ...poczytniejszo dlo tych czytających

[bodzio_g]

Wiosna

 

 

Dziyń sie wydłużo, zima odchodzi,

Słońce zaglondo na nos z wysoka,

Kumin z ciepłowni coroz mnij smrodzi,

Koty już mrauczom wedle hasioka.

 

 

Wiosna niyśmiało przi fortce stoi,

Gryfno i modo do serc nom klupie,

Kwieciym wszelakim łonka sie stroi,

Wielkie porzondki w kożdyj chałupie.

 

 

Łokna jak żadła, zmyte dyliny,

Brzozowo mietła wartko tańcuje,

Jeszcze po praniu wyloć mydliny,

Zista sie piecze, kawa rychtuje.

 

 

Zima już zbrzidła, ciepła nom trzeba,

Wiosna na Ślonsku piyknie witomy,

Ździebko zielyni, konseczek nieba,

Na działce lauba już łotwiyromy.

 

 

A za dni pora przilecom szpoki,

Maras wypłocze dyszczyk majowy,

Nad naszom ziymiom tyncza, obłoki,

Wiosna przichodzi... pochylcie gowy!

 

 

autor - G O R O L

[bodzio_g]

Godej do mie

 

 

 

Godej do mie Ojcze, zimnym płatkiym śniegu,

W lato barwom tynczy, stadym koni w biegu,

Lotym szmanterloka grziwom morskij piany,

Biołymi szczytami, co widza w oddali.

 

 

Dej mi poznać Ojcze, czy właściwo droga,

Ciyrpiyń dej niy wiyncyj, niźli uniyść moga,

Postof na gościńcu mondrych ludzi poru,

By pomogli czasym dokonać wyboru.

 

 

Pozwól abym ciyngiym chwolił Twoje imie,

Widzioł Cie we kwiotkach, i we mroźnyj zimie.

Abych czuł na ziymi, tchniynie Boże czasym,

Możesz mi pogrozić, huknonć gromkim basym.

 

 

Kiedy jednak przidzie ostatnio godzina,

Przijmij mie do domu, jako Swego syna.

Przigarnij ku sobie, juz na tamtym świecie,

Niy bydź zbyt surowy, przecam Twoje dziecię.

 

autor -Gorol

[bodzio_g]

Wiosna w łogrodku

 

Jeszcze rano marźnie rosa,

Śliwka ciyngiym goło stoi,

Pusty jest kadubek kosa,

Ale wiosna nom sie kroi.

 

Słońce świyci, kaś przi płocie,

Ryl, kopaczka, nowe grabie,

Już śmigajom przi robocie,

Pot sie leje – koniec labie

 

Sznitloch wyrosł fest zielony,

Rabarber tyż, aże miyło,

Ciepło prziszło w nasze strony,

Zaroz piyknie sie zrobiyło.

 

Tulpy, bratki i krokusy,

Choćby gupie glizdy ryjom,

Duższy stoł sie dzionek kusy,

Ciepłe dyszcze maras zmyjom.

 

Oberiby jak wojoki,

I wciepniynte ziorka w ziymia,

Żołto kwitnom w eku krzoki,

Zelter, leżak i sie drzymia.

 

A tu słysza, baba godo,

Choć mie bolom miynśnie, gnaty,

Że gdy idzie frela modo,

To mi kwitnie...sztyl z łopaty.

 

autor - G O R O L

[tomek1950]

Jak przeczytałem ten wiersz przypomniała mi się oberiba z żeberkami. I do tego piwo. Palce lizać.

[frosch]

Zelter, leżak i sie drzymia

 

..zelter ...kto to jeszcze pamiynto

 

....lostatnio zodyn z Rw niy widziol , co to oberiba

Jamles wiedziol i powiedziol , a to bylo tak .....

moze kiedys wkleja tu moja recepta na zupa z oberiby

[19501719500414]

jo

[tomek1950]

Frosch, a zupa z kalarepki jest dobra?

Co to zelter przyznaję się bez bicia nie wiem.

[19501719500414]

woda sodowa i na dodatek z saturatora,

niewielu już wie jak wyglądały saturatory