Ślonskie fanzolynie

[frosch]

jasne , zech spiewala

 

tera zaspiywom Bodziowi

 

Sto lot !!! Sto lot !!!!

 

hej nanana .....

hej nanana....

dzisioj bydzie fajer na sto dwa

hej nanana...

hej nanana......

baw sie z nami kiej jest na to czas

hej nanana....

hej nanana.........

niech wesolo plynie refren tyn

niech muzyczka ta

glosno dzisioj brzmi

bo to frosia twoja spiewo ci

[frosch]

opowiym wom wic :

 

-jak sie godo na siostra kartofla?

-frytka

-a na brata kartofla?

-bratkartofel

-a na colko familia kartofla?

-kartofelsalat

[tomek1950]

Kiedyś prowadziłem ciężarówkę z Wiednia do Warszawy. Wyjechałem późno i już na granicy czechosłowacko--polskiej (to nie pomyłka, czechosłowacko-polskiej) chciało mi się bardzo spać, ale że jestem twardy człowiek postanowiłem dojechać gdzieś za Katowice i się zdrzemnąć. Pod Mikołowem wziąłem "stopa". Myślałem, że będzie chciał do Katowic. A on, Ślązak, do Warszawy.

OK, twardy jestem, ale postawiłem warunek, albo gada cały czas, bym nie zasnął za kierownicą, albo wysiadka. Do samej Warszawy opowiadał wice o Masztalskich. O zaśnięciu za kierownicą nie mogło być mowy.

[frosch]

nieee nooo, wice o eciku to klasyka

 

Masztalski miol wypadek na grubie i lezy w szpitalu , podlonczony do roznych urzadzen

wpado Maryjka , siado na kancie wyrka i lamentuje :

-co ci to chopeczku? takis borok ! cierpisz , ja?

Ecik ruszo pare razy gembom i pokazuje cosik reka

-co to?-lamentuje baba dalyj -napisz mi co chcesz.mosz tu kartka i olowek

Masztalski pisze cos i zawiero oczy .

-tak zech bez chopa zostala ...aaaa...-lamentuje Masztalsko i czyto co bylo na kartce zapisane

"Maryjko ,pieronie !!! bier ta twoja rzyc z tyj rury ,bo dychac nie moga !!!"

[tomek1950]

 

Frochko, piszę i nie widzę co napisałem bo oplułem piwem monitor.

[Tedii]

Ale jo mioł dziś pecha.

Jada ci nazod z pingponga do dom kole dziesiątej wieczór a tu pana!.

No nic ,trza koło zmienić.

Ida do zadku,wyciągom zapas a tam tyż luftu nima.

Szczęście żech mioł pompka.

Napomopołech koło i wymieniłech.

Wsiadom uradowany za kierownica i po gazie.

Trzista metrów dali chopcy-radarowcy.

Kozali mi płacić mandat dwiesta złotych.

Jo im godom że pana,że luft ucieko ,że chca gibko jechać do dom a te najduchy mie chcą dać do sądu grodzkiego.

By ich pieron strzelił.

O jedenostej w nocy w Mikołaja!

Dugo musiołech z nimi godać co by mie puścili.

Pedzieli że mom dać pozór i puścili.

[bodzio_g]

Pierona !! - jo tyż mioł pecha ...

po piyrwsze przegapiłech żech nominacjo

po drugie - kole mnie dziś przejeżżoł Mikołej w beemie i nawet sie nie zatrzimoł

po trzecie - ledwo żech do roboty dziś zdążył na 14 ( skuli tego mikołaja w beemie )

jedyny plus to że na fajrant piwka czekały w barku na mnie i żech trafieł na forum, kaj mie czekała niespodzianka postaci tytuła

Froszka - fajniście spiywosz , bele gynściyj

[DPS]

A czy jo moga tukej uczyć sie godoć?

[ponury63]

moje wielkie gratulacje dla wszystkich - najgryfniejszo Frelki, gryfnego Karlusa, Ślonskiego Gospodarza Wątku Gawędziarskiego

 

poprosiłem Kyksa, by dla wszystkich odwiedzających z radością ten wątek

zasmęcił jakiegoś porządnego bluesa rodem z familoków

>>> W Siemianowicach

 

 

kilka dni temu była Barbórka... więc jeszcze to >>> To był chłop

 

 

Tadeusz Kijonka

 

"To był chłop"

 

Ni ma chłopa - a wczora był snami.

Co tu godoć, taki już los.

Jak na wojnie, dyć i tu dynamit

Sjechoł na dół ostatni ros.

W doma wdowa z dzieckami płacze

Zostoł jeno górniczy znaczek.

Czyjo kolyj - kto to wiy z nos ?

 

To był chop jak mało kto

Z takim iść na samo dno.

Jak mioł złość to popieronił

Lecz jak co - to twardo bronił.

Nie zgion się przed nikim w poł

Piynściom rombnoł w każdy stół.

To był chłop jak mało kto.

 

 

Trza by wypić, bo w gardle ścisko.

Co tu godoć - jak chopa brak.

Dyć my żyli jak bracia blisko

Choć w robocie jest tak i tak.

Gdy co nie gro to krew zalywo.

Lecz po szychcie chadzaliwo

razem na piwo

A to przeca najlepszy znak.

 

To był chop jak mało kto.

Z takim by sie w ogień szło.

Jak sie dorwoł do kilofa

To się przed nim wongiel cofoł.

Nikt go ni mog zwalić z nog.

Beczka piwa wypić mog

To był chop jak mało kto !

[Tedii]

Z Kyksem tośmy imprezowali swego czasu w Akancie w K-cach.

Stare dobre czasy.

[frosch]

Na scyńści na zdrowie

na to Boże Narodzyni

Cobyście byli zdrowi weseli

jako w niebie janieli

Cobyście mieli pełno gości

jako na gałonzce łości

Cobyście mieli pełne łobory pełne pudła

coby wom gospodyni przy piecu nie schudła

Coby sie Wom darzyło kopiło

dyślem do stodoły łobruciło

Tak Wom Boze dej

HEJ HEJ HEJ

 

http://img91.imageshack.us/img91/9103/thumb5501crazyfrogxmasoef3.jpg

[bodzio_g]

Wszystkigo dobrego, Wesołych Godow

połno gyszynkow pod krisbaunym.

Niych Dzieciontko Wom błogosławi.

wszyskim slonzokom i gorolom życzy bodzio

[bodzio_g]

Skond sie wziyny geszynki pod chojinkom

 

 

 

W Betlejym łobok biydnej stajynki

przi drodze piykne trzy stromy rosły,

jedyn oliwny, drugi palmowy,

tyn trzeci to strom zielonej sosny.

 

A kożde chciało coś dać w geszynku

dzieciontku z Panny narodzonymu,

w ubogim żłobku na lichym sianie

bez ciepłej pierziny położonymu.

 

Wysoki i szumny boł strom palmowy,

łon bydzie do bajtla fajnom osłonom,

do ciyń przed słońcym w samo połednie

chwoli sie przeca ze liści koronom.

 

A strom oliwny niy chce być gorszy

i zdrowe oliwki mu łobiecuje,

a do familiji wiela oliwy

na łobiod, wieczerzo już tera szykuje.

 

Błozna se robiom te stromy ze sosny,

ze yno jegły w geszynku dać może,

ale z tych jegieł nic mieć niy bydzie

we żłobku na sianie Dziyciontko Boże.

 

Usłyszoł to Janioł kery straż trzimoł

nad biydnom stajynkom tak łod połnocy,

łokropnie sie wkurzoł na te dwa stromy

i chcioł ich zagańbić jeszcze tyj nocy.

 

Zawołoł do sia wszystki gwiozdeczki,

kere tak jasno na niebie świyciły,

kejby światełkiym piyknym jak tyncza

ta biydno sosna trocha łozdobiły.

 

Ta najjaśniejszo kero prawie dzisiej

na wysokim niebie sie pokozała,

położoł na samej szpicy chojinki,

kejby dziycionteczku światełko dała.

 

Ujrzoł Jezusek ta szumno chojinka

i klasko we rynce ze wielki uciechy,

łod tego czasu wszystki bajtle majom

pod chojinkom geszynkow prawie cołki miechy.

 

autor - Renia

 

strom - tu ... drzewa

geszynki - prezenty

bajtel - dziecko

robic błozna - wyśmiewać sie

[tosinek]

http://images30.fotosik.pl/129/173a9c0a605a8bd5.jpg

[tomek1950]

W sobote byłem na Śląsku. Krótko. Byłem w Bytomiu i przypomniał mi się stary, jeszcz z czasów PRLu dowcip.

 

Tak zwana "masówka", cały kolektyw, a towarzysz sekretarz mówi, a później odpowiada na pytania.

 

Wstaje jeden z obecnych górników: " Towarzyszu sekretarzu, ja jestem górnik z kopalni Bytomi i gdzie jest masło się pytom.

 

Prowadzący zebranie odpowiada błyskawicznie uprzedzając sekretarza - "To teraz towarzysze przerwa, a na ostatnie pytanie odpowie tow. sekretarz po przerwie.

 

Przrerwa minęła, masówka leci dalej, a odpowiedzi brak. Wstaje wreszcie inny górnik i mówi: Ja jestem górnik z kopalni Murcki i się pytom, gdzie jest ten górnik z kopalni Bytom.

[Tedii]

Jo jest górnik z kopalni Bytom

o mięso i cukier się pytom

....

Jo jest górnik z kopalni Brzeszcze

o mięso i cukier nie wrzeszcze

ino sie grzecznie pytom

kaj jest ten górnik z kopalni Bytom?

[tomek1950]

[bodzio_g]

a jo je z Ziemowita i ...kwita !!

 

 

 

Stary Rok już drzimje, zaś Nowy Roczek sie już chned łobudzi

wszyskim muratorom życza jak nojmnij sie trudzić

przy budowie i przy remoncie..

zdrowi i radośni bądźcie

niech Wos biyda nie dotyczy

tego Wom bodzio ... życzy

[frosch]

dziekuja bodzio

 

a jak zrobic sie fajno petarda na Zilwestra ??

 

Jak se samymu zbajstlowac bomba atomowo.

jeb, ciul, dub ...Malo instrukcja budowy ...sylwestrowo zabawa

 

1. Cza se nojpiyrw skombinowac mniyj wiyncyj 50 kilo plutonu (Pu) od jakegos czowieka kery tym materialym szabruje. Pomys o elektrowni atomowyj tyz moze komus do leba szczelic, ale moze byc ze jak sie inzyniery kapnom ze im na stanie cetnor plutonu brakuje, to sie mogom wnerwic i wom sicherungi powylonczac. A przy sfiyczkach to sie przeca trocha zle bajstluje. Nojlepiyj to sie miejscowych terrorystow popytac abo w Panoramie Firm loboczyc.

 

2. Musicie ino przy tym wszyskim zmiarkowac ze tyn blank fajny pluton dycko niybezpieczny je.Cza dowac pozor ... Dobrze je sie wiync po kozdym bajstlowaniu rynce umyc, nojlepiyj z gorkom wodom i pastom BHP. Cza tysz dobrze dac pozor by bajtle i domowo gadzina tego syfu do gymby niy dorwali. Jak wom pod koniec trocha tego plutonu lostanie to idzie tym bardzo dobrze roboki na ogrodku truc. Przechowywac idzie pluton w jakims starym olowianym kiblu ze zlomu. Biksa po kyksach tyz moze byc.

 

3. Tera cza zrobic jakis pojymnik kaj by szlo ta calo bomba wsadzic. Kozdo blacha z zelaznego slepu kero idzie dobrze klepac sie do tego nadowo, tak keby szlo ta bombo jako hasiok, dymfer abo i jako Fiat 126p ("maluch") zakamuflowac. Niy brac folji do grilla. Kobiyta moze gupie pytania zadowac.

 

4. Pluton podzielic na dwie rowne czynsci i uloc dwie polkule oddalone od siebie o 4 cyntymetry. By sie to wszysko jakos kupy czymalo idzie uzyc butaprymu.

 

5. Skombinowac 100 kilo trotylu (TNT). Plastik (Semtex) bolby lepszy ale kupa z nim lostudy. Material szczalowy z gruby sie do tego tyz za bardzo niynadowo.

 

6. Na te plutonowe polkule sbajstlowane w punkcie 4 przylonacyc TNT. Idzie uzyc tasmy izolacyjnyj.

 

7. To wszysko sprobowac umiescic w tym pojymniku z punktu 3. Nojlepiyj to wszysko zarozki silikonym zaloc zeby ino przez jakas gupota abo i inny cufal niy bolo detonacji.

 

8. By ta calo bomba wybuchla w momyncie kedy wy mocie na to chync, cza narychtowac jakes zdalnosterowanie. Zasada je bardzo einfachowo: malo kolba musi rombnonc na splonka ktoro spowoduje malo eksplozja. Na to som rozne knify. Czynsci ze starych autek z paczek z efu sie juz bardzo dobrze do tego celu sprawdzioly. W skladnicach harcerskich tyz idzie ciekawe mechanizmy znolysc. Lego od bajtli tyz moze byc.Dobry sprzynt ...

 

9. Gotowo bomba cza kas dobrze przed wlasnom babom, bajtloma i somsiadoma skludzic. W garyzu je za wilglo, a juz niyroz bomby eksplodowaly w takich niystabilnych warunkach. Nojlepiyj je pod ausgusym, w byfyju abo i w piwnicy, kolo cyntralnego.

 

Jak wszysko bolo richtich zrobione to mocie w rynkach gotowo bomba termonuklearno. Bardzo fajno rzecz na Sylwestra, geburtstagi abo i tyz do celow obrony terytorjalnyj. Do wykuzania kretow z ogrodka sie tako bomba za bardzo niy nadowo bo robi za srogie dziury a i dugo potym nic niy idzie sioc. Lepiyj uzyc napalmu bo z nim niyma tyle lostudy.

Zasada dzialania naszyj bomby je bardzo einfachowo: elektryczny impuls ze zdalnego sterowania poruszo malo kolba ktoro wali w splonka. Splonka powoduje wybuch trotylu ktory scisko nasz pluton do masy krytycznyj. Ta calo masa krytyczno prowadzi do reakcji lancuchowyj, podobnyj do obalajoncych sie klockow domina i momy fajno eksplozja atomowo o sile no, niych straca, 10 do 15 megaton!

 

Dodatek od autora: bardzo bych odradzol od budowania w tych czasach a-bomby. Ze wzglyndu na srogi popyt na rynku, cyny za pluton tak bardzo do gory poszly ze ino chyba ropa szybciyj drozeje. Jako ersatz idzie tyz uzyc uranu 235 (235U). Uran 235 tyz je bardzo drogi ale na Slonsku je przeca kupa emerytowanych hutnikow wiync idzie go samymu przy pomocy poruch ryncistow z rudy uranowyj uzyskac. Poczeba do tego ino 60 000 ton rudy, 400 ton rtynci i trocha czasu i placu. Ruda uranowo mo malo zawartos zlota wiync tyz idzie trocha na tym wszyskim zarobic. Uzyskany tom metodom uran 238 (238U) mo niyduzo zawartos uranu 235. To wasnie poczebujymy. By to jakos od siebie oddzielic, cza to wszysko rozpuscic we fluorze (mniyj wiyncyj 40 ton). Ino cza dac pozor bo flour (F) je jeszcze bardziyj agresywny jak czysty tlyn. Musi byc dobrze przed bajtlami i domowom gadzinom skludzony. Przed tesciowom niy cza nic chowac. Niych znojdzie. Nastympnie cza by ino tyn caly rostwor przez pora wirowek przepuscic i langsam momy poczebno ilos uranu 235. (Reszty plynu prosza niy wylywac do gulika. Moglaby potym w Dramie jakos dwumetrowo gadzina plywac). Pozostalo robota tak jak na wiyrchu tego tekstu.

 

autor Dori&Adi '06

 

[sebo8877]

Nojlepszego w Nowym Roku

 

Dłogo mie nie było - ale zaś żech je:)

 

Pozdrowiom wszyskich hanysow i inne nacje też

 

Oby tyn przestympny rok był nojlepszy z dotychczasowych

 

sebo8877