Ślonskie fanzolynie

[Tedii]

Aleś Bodzi_g dowalił.

Tyż mi to nie gro,że trza dować numer szczewików.

No ale nie podosz że mosz pietnoście lot,jak żeś jest stary chop.

Albo że mosz na imie Erwin a mosz Bodzio.

Bo Cię żoden stary kamrat nie znojdzie.

[tomek1950]

tomek , pozycz mi trocha tego plyna

 

Mam taki z Froschką. Brile też idzie nim umyc.

[DPS]

Ooooo, to i dla mnie się nada.

Ja to bym chciała na moderatora do tego Bodziowego portalu, kiedy casting będzie?

[bodzio_g]

Tomek i Frosia - płyn mocie gratis ( jak sie ino zaregistrujecie na naszo-kasa )

DPS - cv i numer konta prześlij mi na priv

[bodzio_g]

dlo wszystkich nowych użytkowników

kubki i koszulki gratis

http://www.bantex.pl/UserFiles/Image/Koszulki/groszkowe/2028-Koszulki%20groszkowe%20A4%20PP%20otwierane%20z%20gory%20i%20z%20lewej%20strony%203_male.jpghttp://www.pwbiuro.pl/img_product/m_sta015x.jpg

[frosch]

bodzio ............

[DPS]

[bodzio_g]

dziynki za wasze dane - niedługo byda wom posyłoł paczki na świynta albo ...Wy mnie ... na adres -www. naszo-cela.pl

[bodzio_g]

Marzynia

 

Jak byda kedy bogaty,

Byda już na pynzyji,

Bez Ślonsk byda wandrowoł

I byda groł na cyji.

 

 

Byda wszystkim rozprowioł,

Jak to downi bywało,

Jak sie przed laubom siodało,

Przi piwku w szkata grało.

 

 

Na cyji byda przigrywoł,

Pieśniczki od starzika,

O starym Ślonsku bojoł,

Lepszy niż we kronikach.

 

 

Na miedzka wygodnie siedna,

Pod staro brzozka, w ciyniu

I downy Ślonsk powroci

na chwila, we wspomniyniu.

 

 

autor - Fojerman

[bodzio_g]

Ludzie ludzie tłosty czwortek

 

 

Ludzie, ludzie czwortek momy,

nie tyn zwykły, ale tłosty,

baby piekom fory krepli

na bok idom dzisiej woszty.

 

Kaj yno sie niy łobejrzisz

coż to sie wyrobio w świecie,

tam sie do nas kreple śmiejom

czy w cukierni czy markecie.

 

Rozmajite zorty kuszom,

ze pudingiym z marmeladom,

do wyboru do koloru

jydzcie kreple jo wom padom.

 

Bo we środa popielcowo,

krepla już niy dostaniecie

yno chlyb ze suchom skorkom

szolkom wody popijecie.

 

Korzystejcie tera z tego,

że możecie jeś do woli,

to nic że kalorji wiela

i żołondek trocha boli.

 

 

autor - RENIA

 

 

--------------------------------------------------------------------------------

[bodzio_g]

Myśli do pozłocynio

 

Przijaciele

 

 

Mom nazywać ludzi swojimi przijaciołmi?

Katac to je możliwe?

 

A przeca kożde dziynne spotkanie może stać sie świyntym przijażni!

 

Niy chodzi ino ło to, coby łodkrywać nowe krajobrazy, pjykne łokolice, gryfne budowle, sławne dzieła sztuki.

 

Na poczontku musza łodkryć kołe siebie drugigo człowieka i dobro w nim.

 

No w tyn sposob możliwo je przijażń.

 

Jak zech zaś je egoistom, wtedy widza i szukom ino siebie.

 

Wtedy doprowdy nigdy żodnego niy spotkom.

 

Nigdy niy przeżyja radości przijażni.

 

, ,Wszyscy ludzie mojimi przijaciołmi :

 

to hasło moga urzeczywistnić ino wtedy kej jo som kożdego dnia byda probowoł być przijacielym, dobrym przijacielym dlo wszyskich.

[bodzio_g]

Myśli do pozłocynio...

 

Kejby jednak inksi wszysko ło mje wiedzieli?

Dosłownie wszysko, kejby znali moje tajymne myśli,

moje niywypedziane życzynia i pragniynia i cołko moja prziszłość?

Katać bych sie w tyn czos niy zarumiynił aże same po uszy?

Ale dziynki Bogu żodyn tego niy wiy.

Może jednak powiniynech sie nad tym zastanowić troszka i sobie samymu obiecać:

Łodtond jak bydzie godka ło inkszych, musza starać sie zamilknonć?

Bo kejby inksi ło mje wszysko wiedzieli, ni miołbych powodu,

coby tak wysoko nosić gowa....

[bodzio_g]

Na Walyntego

 

Skond sie wziyno to uczuci,

w duszy wiosna, we sercu kuci,

w uszach szum,i pizło w gowa,

nic poradzić tu niy moga.

Czy dojda kedyś do tego

skond sie wziyno coś takigo,

na myś yno prziszło mi

że jo tak fest pszaja Ci.

 

autor - Renia

[DPS]

Bo kejby inksi ło mje wszysko wiedzieli, ni miołbych powodu,

coby tak wysoko nosić gowa....

Mądre, prawdziwe i zabawne.

[bodzio_g]

Bo kejby inksi ło mje wszysko wiedzieli, ni miołbych powodu,

coby tak wysoko nosić gowa....

Mądre, prawdziwe i zabawne.

tu som ino mondre i prawdziwe ...

[bodzio_g]

PITy

 

 

Siedza tak dzisiej przi stole,

przeciepuja same kwity,

czuja sie choćbych był w szkole,

bo wypełnióm roczne PITy.

 

 

Czym wiyncyj sam czytóm,

to wiym z tego myni,

kalkulator cyko,

aż sie w oczach miyni.

 

 

Tu przichody, tam wydatki,

tu zdrowotne, tam na rynta,

wszystko do osobnej kratki.

Już mie boli z tego rynka.

 

 

A te odliczynia,

na lyki, na dzieci,

same ułatwiynia,

na internet w sieci.

 

 

Yno nie wiym czamu

zaś musza dopłacić,

a nazod dostanóm

sami ci bogaci.

 

 

autor - Fojerman

[bodzio_g]

Somsiod na bani

 

 

We wieczor na plac somsiada

cojśik jak rakieta spadło,

zazgrzitało, zagwizdało

i z hukiym na trowa siadło.

 

Ni rakieta, ni to talyrz,

dokładnie żodyn nie powiy,

a ze strachu somsiadowi

kudły stanyły na gowie.

 

Ponoć wyszły z tyj rakiety

jakiś stworki ufoludki,

jedyn wielki, drugi mały,

a tyn trzeci fest malutki.

 

Ni widziołech i ni powiym,

że cołkiym zielone były,

za to przeca somsiad widzioł

jak ze studnie woda piły.

 

Potym poleciały na plac,

jabka ze stroma serwały,

chowały ji w pokieltasza

i w te pyndy łodleciały.

 

Moj somsiedzie podejrzywom,

żeś ty boł na bani wczora,

bez to widziołeś te ludki

cołkiym zielone z wieczora.

 

A terozki przed swom ślubnom

mosz strach, trzynsiesz galotami,

i po puklu dostać mogesz

bo to tak już je z babami.

 

 

autor - Renia

[bodzio_g]

Czy to już wiosna

 

Przyleciała sroka z lasa,

najnowsze klachy prziniosła,

że tak to już łod mjesionca

idzie ku nom ciepło wiosna.

Łobudziły sie niedzwiedzie,

i boczonie przileciały,

bo w Afryce na wywczasach

telegram z Polski dostały.

Zakwitły krokusy w lesie,

a w zegrodzie tulipany,

jakiś ptoszek gniozdo wije,

że niy zdonży znerwowany.

Gupie godosz moja sroko

to pogoda bozna robi,

przeca zimy nom na wiosna

zarozki tak niy przerobi.

Niy czytosz najnowszych gazet

ni ma żeś zoriyntowano,

klimat sie wartko ocieplo

toż prziroda niy ta sama.

Do wiosny momy daleko,

boć to luty jeszcze zima,

chocioż mrozu no i śniega

na polach i w lesie niy ma.

Niy momy inszego wyjścio

i trza nom sie przistosować,

a niy ślimtać i biadolić

i pogodom sie nerwować.

 

autor - Renia

[DPS]

Niy momy inszego wyjścio

i trza nom sie przistosować,

a niy ślimtać i biadolić

i pogodom sie nerwować.

 

A to się da? Przystosować do tych wariactw pogody?

[bodzio_g]

Ósmy marca, abo chop przi garcach.

 

 

 

 

Wszystki chopy znajóm to

I kożdy pamiynto,

Że sie kwiotka kupić zdo,

Jak baba mo świynto.

 

Przed kwiaciarnióm długo raja,

Bo świynto mo Zosia.

Kupia kwiotka, bo ji przaja.

A pół litra dlo sia.

 

Ósmy marca - kożdy babie przaje,

Ósmy marca - niy robi ji haje,

Ósmy marca - w dóma je, jak w niebie,

Ósmy marca - ścisko jóm do siebie.

Tak ósmego marca, jedyn w roku dziyń,

Baba je we zocy, troski idóm w ciyń.

 

Prziszoł z szychty nazod chop

I czyto gazeta,

Ón by obiod wartko zjod,

Bo je głodny przeca.

 

Loce baba kole blachy,

Wartko sie uwijo,

Chop narzyko, bo je słaby.

A za dłógo było.

 

Ósmy marca - kożdy babie przaje,

Ósmy marca - niy robi ji haje,

Ósmy marca - w dóma je, jak w niebie,

Ósmy marca - ścisko jóm do siebie.

Dziewióntego marca, minół jedyn dziyń,

Kwiotka uschły wartko, a chop już niy tyn.

 

Prziszoł zaś z roboty chop,

A niy ma obiadu.

Sóm se dzisiej obiod woż,

Bo jo tyż je słabo.

 

Jo ci tela lot sam słóża

I móm już tego doś,

Jo se na wiesiady póda,

A ty mi obiod woż.

 

Ósmy marca - kożdy babie przaje,

Ósmy marca - niy robi ji haje,

Ósmy marca - w dóma je, jak w niebie,

Ósmy marca - ścisko jóm do siebie.

Stanół chop przi garcach, spolół, a niy zjod,

A od tego czasu przoł ji cołki rok.

 

autor - Fojerman