Ślonskie fanzolynie

[bodzio_g]

Co to som Swięta Wielkanocne ?

 

wielu ludzi wie wiencej i lepij, niż jo na tyn temat.

Jo zas widza te świynta, jakby nasze życie, w tyn sposób :

Niedziela Palmowo - przichodza na tyn świat , wjyżdżom do chałpy na ramionach matulki , wszyscy mie witajom z radością , machajom grzechotkami i inszymi szczyrkowkami, jest ...fajnie.

Poniedziałek , Wtorek , Środa - rosna , ucza sie, nabiyrom doświadczynio życiowego, wlazuja coroz wyżyj na życiowo drabina .

Wielki Czwortek - wylozłek już wysoko i zaczynom innych pouczać jaki to jo jest "mondry"

Wielki Piątek - nogle szczebel na wtórym stoja - sie łamie ... upadom na głowa i ...wpadom w śpiączka...

Wielkanoc z Soboty na Niedziela - budza sie i ...widza cieszących sie ludzi , że jo żyja, ale jo już nie jest tyn som człowiek co przed tym. Przemywom oczy wodą i dostrzegom inny świat, innych ludzi - ich radości i troski, a nie tylko siebie i swój czubek nosa. Dopiyro teroski zaczynom żyć...nowym życiem.

 

Wszystkim życza na te Świynta Wielkanocne pieknego przebudzenia i jakby ...zmartwychwstania do lepszego , wartościowszego życia; przemycia oczu i nowego spojrzenia na otaczający nas świat.

Szczęść Boże

[EDZIA]

Bodzio rychtych fajnie żeś to ujął

[tomek1950]

Pisz Bodziu, pisz, proszę.

[bodzio_g]

Dzięki za liczny odzew... : (w wiadomej sprawie )

 

 

 

 

Dieta

 

 

Toż po świyntach moji mili

godo do mje połowica,

jest żeś jak ta beczka gruby

musisz schudnonć na to licza.

 

Łod dzisiej Cie prziwachuja,

i jedzyni Ci łoddziela,

nie myś że budziesz jod wuszty

w świontek, piontek czy niedziela.

 

Zaro Ci wprowadza dieta

a bydzie to dieta cud,

już ty sie doznosz jasności

musisz poczuć co to głód.

 

Normom na dziyń jedne piwo

choć z Ciebie srogi chłopisko,

możesz kwynkać musisz strzimać

możno spadnie Ci basisko.

 

Ło kondycjo tyż dbać musisz,

po chlyb pudziesz piechty z rana,

potym zrobisz mi śniodani

nim jo jeszcze z łożka stana.

 

We antryju stoji koło,

je żeś na pyndzyji przeca,

bydziesz mioł czas pyndalować,

a tera po kask Ci leca.

 

Żebyś sie nie piznoł w gowa

i krziwdy se niy narobioł,

bo sie we wsi bydom śmioli

że chop bułów sie dorobioł.

 

 

autor - Renia

 

 

--------------------------------------------------------------------------------

[bodzio_g]

Piyrszego kwietnia.

 

Piyrszego kwietnia dzisioj momy -

myśla, że wszyscy pamiyntomy,

ja richtich Ty sie niy mylisz,

dzisioj jest PRIMA APRILIS.

 

Bajtle majom uciechy w pierony,

robiom za cepa nawet stare Omy,

w tym dniu za bozna robi kożdy - kożdego, ­

mody starego, stary modego,

niy łobyndzie sie bez szpasu tego,

w tym dniu sie niy łobrażo żodyn na żodnego.

 

Zrób tyż kogoś za bozna -

zrób siebie uciecha - a innymu radość,

coby tyj staryj tradycji -

mógło stać sie zadość.

 

autor - Andy.

[bodzio_g]

WIOSNA

 

Wiosna już przilazła, w kwiotkach gałonzkami,

Klara mocnij grzeje, wysoko nad nami,

Życie sie zajś budzi i świyrgolom ptoki,

Wiosna łobwieszczajom, chyn nad familoki.

 

 

Naszo ślonsko ziymia, budzi sie ze zimy,

Fedrujom grubiorze i kopcom kominy,

Ludzie sie krzontajom, czos gibko im leci,

Na placu sie bawiom uśmiychniynte dzieci.

 

 

Trowa sie zielyni, wiater chmurki niesie,

Wiosny zapach cudny, snuje sie po lesie,

Kajś na wiyrchu hołdy, bazie wyrostajom,

Gadzina ze dziurow wyłazi sie zgrajom.

 

 

Ach..., jak dobrze nom, grzejymy gymbusie,

Żyć sie zaroz chce; kwiotki na łobrusie,

Radość nos łogarnio, że zima skończono,

Łodżyje nom ślonsko, ziymia zmynczono.

 

autor - Hajduk

[frosch]

stare, ale nadal mie smieszy

 

Zygmuś stoi na przystanku tramwajowym. Naroz zawioło i jedny babie

się dźwigła kiecka.

Gibko złapała za ta kiecka i jom poprawiła

- Widziałeś mój refleks? – pyto się Zygmusia

- U nos to to się nazywo rzyć – odpowiada Zygmuś

 

Masztalski i Ecik siedzom w kawiarni i głośno siorbią herbata.

Wszyscy się na nich gapiom. Naroz Ecik godo:

- Ty, chyba niy w ta strona miyszomy

[bodzio_g]

stare, ale nadal mie smieszy

 

Zygmuś stoi na przystanku tramwajowym. Naroz zawioło i jedny babie

się dźwigła kiecka.

Gibko złapała za ta kiecka i jom poprawiła

- Widziałeś mój refleks? – pyto się Zygmusia

- U nos to to się nazywo rzyć – odpowiada Zygmuś

 

Masztalski i Ecik siedzom w kawiarni i głośno siorbią herbata.

Wszyscy się na nich gapiom. Naroz Ecik godo:

- Ty, chyba niy w ta strona miyszomy

stare ale jare ...

[bodzio_g]

Małżyństwo wg bodzia

 

Małżyństwo to je taki zwionzek tradycyjnie miyndzy babom i chopym co juże wiedzom co ze sobom "począć ". Tuż przed ślubym to je poezjo, a po ... to ino proza ...Czasami sie kochajom, a czasami wadzom a nawet pierom tzn sprawdzajom jak wytrzymujom różne sprzenty na grzbiecie eli na karku drugigo małżonka. Z miłości powstajom dzieci a z pranio ... guzy, śliwy a czasami i ciynte rany. Czyli małżyństwo to tako szkoła życio inaczyj sorvajwer po swojymu. Beztosz mało kto przeżywo w takich warunkach wiyncyj niż... poranoście lot. Ci co majom wiyncyj niż dwadziyścio lot takigo ciyrpiynio to powinni dostować łod prezydenta conajmnij ...krzyż za sługi ku bliżnimu swymu.

 

Dzisiej minyło dwadzieścio lot jak żech sie chajtnył s mojom ślubnom...Wiela żech przeszed przez tyn czos , miłości i zwady jak kożdy z podobnym lub wiynkszym stażym, ale na pewno nie żałuja tego czasu - posadziłek drzewa , spłodziek dzieci i wybudowołek chałpa. Dziwia sie ino kiedy to przeleciało...Te malutkie dzieci som wiynksze ode mnie, staro chałpa w ruinie a drzewa ...- niektóre to nawet już wyciynte. Oświadczom tyż, że nie potrzaskalismy żodnyj patelni ani gorka czy talyrza na siebie. Dziś dzieci kupiły nawet nom prezynt na ta okoliczność a jo poszedłek na całość i kupiłek kwiotka... w doniczce . Od dziś do niedzieli mom wolne to nie wiadomo co jeszcze sie wydarzy ...

Na koniec życza "młodzieży" aby dotrzymywali ślubnych przyrzeczeń bez conajmnij 20 lot, bo potym to już z górki, a tym z wiynkszym niż 20 lot stażym - coby kończyn nie łamali , dobrze prawili- innym doradzywali i za sporą emeryture dużo piwa pili, bo to na nerki i nie tylko je dobre .

[bodzio_g]

Nie mogłek se tego odmówic - ale ino dlo zdrowych psychicznie i na sercu

 

Dieta cud...

 

Pyto sie mje połowica,

Kiedy sie za dieta chyca?

Żić jak kalfas, pysk jak lampa,

z przodku wisi piwno wampa!

 

Tak mi godo: chopku złoty,

musisz schudnyć boś bahraty,

nie pasujom ci galoty

i za małe inksze szmaty!

 

Szłapy ledwo za sia smyczysz

i przi myciu sie naryczysz

jak drzesz pjynty we łaziynce,

że za krótki twoji rynce!

 

To ni rynce mosz za krótki,

yno wampa je za wielko,

twego żranio to som skutki!

Ustoń - godom - moja frelko,

ale łona nie ustowo,

yno dalij mi nadowo!

 

Pojrzi na sia, citni w żdżadło,

już małego se nie widzisz,

dyć cie yno samo sadło,

czy sie som sobom nie brzidzisz?!

 

Tego było już za wiela!

Przez toch padoł, że w niedziela:

po śniodaniu i łobiedzie, po kołoczu i po kawie,

po trzech piwach na zabawie,

zrobia wszysko cobych schud,

zastosuja dieta cud!

 

We pyndziałek, zaroz z rana,

jak ze wyrka yno stana,

póda gibko do aptyki

po te pile z Hameryki,

co to prosto ze żołondka

ciongnom fet jak jako gombka!

 

Starać sie przi tym ni musisz,

czy to kaczka, czy golonko

wszysko leko we sia wdusisz,

niech żyje dobre jedzonko!

 

Po tym idziesz se poleku,

tam kaj król se piechty chodzi,

robisz dżist i już czowieku

nadmiar fetu ś cia wychodzi...

 

Bez liczynio kaloryjów

pijesz piwko za piweczkiym,

ni mosz w doma komedyjów

z kochanym twojim dzióbeczkiym.

 

Tak na tym papiórku stoło,

co skowany był w pojszodku!

Co sie potym sy mnom dzioło

jak ech siedzioł na wychodku

lepszy wcale nie spominać!

(jak ech musioł sie wypinać)

 

Ale ło tym po koleji

cobyście i Wy wiedzieli,

jakich przeszoł straszne mynki,

zanim wloz ech do łaziynki...

 

Po pamjyntnym tym zakupie,

wunderpilów z Hameryki,

poleciołech zaroz du dom,

jak ech wyloz ze aptyki.

 

Już we siyni głośno rycza,

że cudowne pile smycza

i spróbuja tego czaru,

co bych jeść mog bez umjaru...

 

Najprzod były dwa kotlety,

z zimiokami i kapustom,

a na lepszy wirkung diety

poloł ech to zołzom tłustom.

 

Potym pila, kompot, szpajza

podle znanej mi reklamy

do klopika mało rajza

spuścić zbyndne kilogramy.

 

Siedza ci jo na wychodku,

na wyniki diety czakom,

fucza, cisna z zadku z przodku,

a co przi tym sie nabakom

zanim wreszcie coś wykakom ...

 

Coś mi tukyj nie pasuje,

myśla se wałażonc z klopa.

Tyn fet tak nie wylazuje

jak z łopisu tego chopa

kiery wynod wunderpila,

ale wonpjył ech na chwila,

bo jak rod mosz wszysko masne,

a galoty som za ciasne,

to nojwyższy przeca czas,

coby zredukować bas.

 

Rezygnować z pokuszynio

i łodmawiać se jedzynio?

Łykać wola już ta pila

i na haźlik iść na chwila!

 

Przed wieczerzom, po tym zaroz,

żeby z lepszym chudnyć skutkiym

sztyry pile wzion ech na roz

przigryzajonc gynsim udkiym.

Po tym yno jajec pjynć,

chlyb ze szpyrkom, knebel wusztu,

no ich jeszcze dostoł chynć

na świyżutki mjynso z rusztu.

 

Po skromniutkij tyj wieczerzy,

a że było tego marnie,

to sie teroz przinoleży

iść szpacyrkiym do kawiarnie.

 

Tak idymy se po leku,

sy mnom idzie ślubno moja,

aż tu łoroz, jak mje ściśnie

ledwo na giyrach ustoja.

 

Bas mje boli, co za gafa,

skocza po rantach jak afa!

Mjyjsca szukom, dziury w płotach...

Za nieskoro, mom w galotach!

 

Co za gańba, co za smród!

Trziimjom sie galoty dupy.

Trza sie tera zadać trud

iść łokrynżnie do chałupy...

 

Leca gibko, pot na czole

a tu w basie zaś mi wjerci!

Coroz bardzij tam na dole

czuja podmuch bliskij śmierci ...

 

Już ratunek widza z dala,

pod tym stromkiym sie wywala!

łodpinom już pas z galotów,

wypnyć sie już ech je gotów!

I ...Z nadzieji uzaś nici,

we galoty leci z żici ...

 

Du dom jeszcze metrów dwiesta,

uciaprano cało westa,

boch pysk przipod sztyry razy!

I tak myśla, bez łobrazy,

jak bych dopod tego gizda

chyciyłbych go tak jak glizda

i bez trichter do gymbulki

wsuł bych wszyski mu globulki!

 

 

Chałpa widza, całkiym blisko,

skradom sie jak jaki psisko

co ochota mo na kota.

Pora metrów mom do płota,

już bez niego przelazuja

i...Do galot uzaś suja!

 

Je żech w doma, Bogu Dziynki!

Konsek yno do łaziynki!

Bez pol siyni na wjyrch jeszcze,

(mojim ciałym szarpiom dreszcze! )

na łostatni wbjegom schodek

i już siodom na wychodek!

 

To je koniec mej gehynny,

leci sy mie choby z rynny!

Żić mom cało łobszczypano,

klapa z hajźla łobesrano

i na diobła dieta cud,

zamjast schudnyć, to żech shrub…

 

autor - Jyndrys

jeśli ktoś czegoś nie rozumie to ...jego strata

 

(na priv udziela płatnych lekcji )

[tomek1950]

Jo rozumie

[bodzio_g]

Przynajmnij jedyn sie przyznoł ...

[bodzio_g]

Chwolno pupa

 

Roz ci chwolno #upa była,

Co sie yno sztyjc chwolyła:

Jo ze wszyskich nojszwarniyjszo,

Kiecka moja nojmodniyjszo,

A te ruchy i ta gracjo,

Moga iść na prezyntacjo!

Wonsko w pasie , w plucach srogo,

A na karku kieta drogo.

I w niedziela i bez tydziyń,

W świontek , piontek , na kożdy dziyn

Czytom ci jo ksionżek tela

Boch je mondro ajnfach frela!

Wjym kaj Rybnik i Warszawa,

Wisła , Odra , Warta , Drawa...

Kaj som Niymce , a kaj Chiny,

Znom jo gory i kotliny,

I w gyszichcie i w liczyniu

Wszyskich pozostawja w ciyniu...

No a moja familijo?

Bratow mojich kożdy mijo

Taki mocne som to chopy,

A zaciynte do roboty !!!

A mamulka jako szwarno,

Przi nij miss to gynś je marno!

Fater moj choć taki wielki,

To jij nosi dziynnie nelki,

Ze jij cołko wieś zowiści,

Taki u nos egojiści...

I nojwjynkszo mom chałupa!

Takoch ci je chwolno #upa...

 

 

autor - Jyndrys

[bodzio_g]

Z wiochy do stolicy

 

Godo baba do somsiadki:

w końcu żech sie powożyła,

jada dzisiej do stolicy,

za dłogo żech na wsi była.

 

Nojpiyrw pójda do opery,

kaj piykne śpiywki śpiywajom,

siedna sie wygodnie na stołku,

bo tam yno taki majom.

 

Zamowia spani w hotelu,

zjym śniodani w restauracji,

pojada se do marketu,

wysiedna w metrze na stacji.

 

Gorko kawa se wypija,

kulturalnie, w modnym klubie,

pójda tyż do fryzjera,

byda robić to co lubia.

 

Tydziyń baba wytrzymała,

nazot s tobołami wraco,

pado - wszystko taki drogi,

żyć sie w mieście niy opłaco.

 

Tam trza kupa mieć piyniyndzy

i trza płacić za hotele,

tukej na wsi jo je paniom

i sama se łożko ściela.

 

W mieście kina i opery,

srogi sale koncertowe,

na wsi ptoszki nom śpiywajom,

a koncerty som darmowe.

 

Momy tyż wiela atrakcji,

luft czysty jak płaczki w łoku,

w mieście sztyjc mje wytykali

je żeś z wiochy ty ćućmoku.

 

autor - Renia

[bodzio_g]

DZIYŃ MATKI

 

 

 

Dzisiej jest Dziyń Matki

Dwudziesty szosty maja.

Bestoż, Mamo, chca Ci powiedzieć,

Jak jo Ci fest przaja.

 

Ni ma drugij na świecie

Osoby takij jak Mama,

Spytejcie sie, kogo chcecie,

Odpowiydź bydzie ta sama.

 

 

Dziś je szczególno okazjo,

By słożyć Ci moji wyznani:

Ty żeś jest Mamo najlepszo na świecie!

I to sie nigdy nie zmiyni.

 

 

Z okazji Twojigo świynta

Niech uśmych na twarzy Twej gości.

Jo ci zaś obiecuja

Dostarczać yno radości.

 

 

autor - Mariusz

[Tedii]

Jak żech pedzioł,tak żech zrobił

i na zlot sie przysposobił

wsiodłech w auto i po gazie

trzi godziny i w Warszawie.

 

Moja staro w doma sama

jo balowoł aż do rana

po kolei Wom opowiem

(chyba staro sie nie dowie)

 

Do Warszawy kawał drogi

jada ci pod Pałac srogi

widza pare aut już stało

trocha czasu nam łostało.

 

Poszli my więc na Starówka

tam niedźwiedzi było kupa

w knajpie wzieli my dla zdrówka

chopcy piwo a jo zupa.

 

Wchodza w Pałac w adidasach

a tam baby som w atłasach

już żech myśloł, no to po mnie

a tu idzie chopek do mnie

 

w dżinsach w switrze i z gitarom

to jest Andre z swojom starom

poznołech go po gitarze

bo mo fotka w avatarze.

 

Dali widza wielu znanych

forumowiczów kochanych

gryfne frelki też tam były

wino,piwo z nami piły.

 

Tomek ze wrodzonom gracjom

pokierowoł całom aukcjom

konkurs, tańce,gadu gadu

potem Ew-ka dała czadu.

 

Był tyż zespół niezbyt zgrany

dwie trompety i organy

ale Andre zagroł zdrowo

i już było zabawowo.

 

Po zabawie w pałacyku

co niektóre już na cyku

pojechali my do rrimi

by pogodać ino z nimi.

 

A tam wuszty i grochowa

kożden wyszynk niech sie schowa

nawet szałot był zrobiony

pozazdrościć takiej żony.

 

Musza wspomnieć tyż młodego

co przy grilu durś rychtowoł

siedzioł do rana białego

a na droga nom pokiwoł.

 

Tomek,Kasia,Frosch i Hazok

aż żal było jechać nazod

ino Bodzia brakło z nami

pieron łostoł z kamratami.

 

Ale jak my już wracali

pojechali my kajś dali

na tankszteli pytom pana

kaj na Śląsk jest autobana.

 

Miołech obok "dżipiesa"

kery jechoł tyż bez żony

zamiast godać kaj mom jechać

społ borocek wykończony.

 

W Częstochowie sie obudził

trza wysadzić było ludzi

niewyspany,jo Wom godom

dojechołech wieczór do dom.

 

I już teroz kombinuja

choby jak ten koń pod góra

co by znowu w przyszłym roku

zaś być u Waszego boku.

[magi]

Super Tedii Nie wszystko za-kumałam

Pewnie jak Froszka przyjdzie to mi wyjaśni

[jamles]

Super Tedii Nie wszystko za-kumałam

Pewnie jak Froszka przyjdzie to mi wyjaśni

a ta Froszka to jakiś Miodek jest

ale, żeby nie zakumać pięknej literackiej ślonszczyzny

[jea]

Dzięki Tedii

[magi]

Super Tedii Nie wszystko za-kumałam

Pewnie jak Froszka przyjdzie to mi wyjaśni

a ta Froszka to jakiś Miodek jest

ale, żeby nie zakumać pięknej literackiej ślonszczyzny

mea culpa