Ślonskie fanzolynie

[jamles]

Gelynder blues.

Jo sie miyszkom przi krojcoku

Wedle gruby Bożych Stron

W trzisztokowym familoku

Mój rodzinny dóm.

Tam jo ze szlojdra łokna trzaskoł

jakżech jeszcze bajtlem boł

z trzecigo sztoku po gelyndrze

Sjyżdżoł na som doł.

 

Ref:

Jo wom godom idżcie do dom,

Jakeście gorole som,

A jak niy to posłuchejcie

Mein gelynder,gelynder blues

Gelynder o fein

Mein beatifull

Jak sie po nim sjada na dół

Czuja sie ,jak król

Niech sie wszystkie chopcy gapcom

Baby niych klachajo durch

Jo tymczasym po gelyndrze

W te i nazod zrobia kurs.

 

2

W Katowicach na bhanhowie

Elektryczne schody som

We wieżowcach wszyjstkie windy

Automatik full.

Ani mie to ziymbi ,przy,

Jo mom w żici te wygody

Styknie mi gelynder własny,

Trzeci sztok i jada w dół. Ref

 

3

Przijechali skondś chachary

Mój familok zbulić chcom

I padajom: Na tym placu

Stanie komfortowy dom.

Narobili kupa larma

I po wszystkim,koniec szlus.

Skuli tego mi sie łostoł

Ino tyn gelynder blues . Ref

 

to

[Tedii]

Jestech rod,żeś mi to znod.

Refren wiem jak leci ale zwrotki to se musza poszukać kajś w necie.

Byda mioł nowo piosenka na gitara do łogniska.

Dziękuja.

[bodzio_g]

M O P L I K

 

Łon zmiynił moje życie

Kiej jo go znod

Przaja i wielbia skrycie

Łod dwunostu lot

 

Tela czasu stoł w chlywiku

Bo wszyscy ło nim zapomnieli

O Simsonie, o mopliku

Niy dom go skalić, nawet keby chcieli

 

bez lato, bez zima

Mój starzik na szychta se pykoł

Bez dziyń i jak było cima

Czynsto tysz policjantom citoł

 

Tera jo łodpolom ta maszyna, daja kopa

Czuja wolność - luz

Ludziska sie dziwajom, ni ma chopa

Łostoł yno kurz

 

Moplik sztyjc piyknie sie prezentuje

Dycki jes wyglancowany

Do piyndziesiontki yno rok mu brakuje

A jo jeżdża fest uradowany

 

autor - Cubus

[bodzio_g]

Na specjalne życzynie - Wodzionka wg Giynka

 

Wodzionka to danie gorkie nale wodzionka sie robi a niy warzy. A zrobić jom poradzi kożdy, nawet blank niy rozgarniynty we tajnikach kuchnie. Styknie, coby poradził uwarzyć normalno woda tak żeby sie niy przipolyła. A jak ze tym tyż kto mo problym to musi sie sprawić taki elektryczny czajnik, kiery som sie wyłonczo jak woda sie uwarzy.

 

Nojpiyrw muszymy sie przigotować naczynie we kierym bydymy jom robić. Nojlepi do tego wziońć jakoś emaliowano miska, gorczek, głymboki tyglik itp. Łostatecznie może być porcelana, arcopal czy inksze szkło, byle wytrzimało wrzontek i miało pojymność 0,7 l. Potym stawiomy woda i rychtujymy składniki, czyli:

 

Składniki:

 

zombek czosku, grubo sznita czerstwego chleba pszynno-żytnigo. Taki biolutki, ino pszynny chlyb nom sie rozgajzdro, bezto sie niy nadowo.

 

Łyżeczka tustego (wyłoncznie swojskigo), abo łyżeczka masła ino trza dać pozór co my we markecie do koszyka wciepli, eli to niy jest jakiś mix czy inksze erzacmasło ze margariny zrobione. Musi na łopakowaniu stoć „zawartość tłuszczu min. 82%”. szczypta soli, magi

 

Przyrychtowanie:

 

Teroski czosnek drobniutko siekomy (jak kto niy poradzi może go bez praska przecisnońć), chlyb łomiymy na małe kawałki, dowomy szczypta soli, łyżeczka tustego (ino niy kupnego bo go bydzie sadłym abo jakimiś flancami czuć) i zalywomy to wrzontkiym, ok. 0,5 l. Terozki dowomy dużo magi (kajś ze dwie łyżki stołowe). Niy dowomy do tego żodnyj Vegety, Kucharka czy inkszego dziadostwa ze glutaminianym sodu.

 

Chwila poczekać, pomiyszać, skosztować, ewyntualnie dodać jeszcze magi. Nojlepi jeść ze bratkartoflami.

 

Na drugi dziyń lepi sie niy pchać miyndzy ludzi bo bydom kicholami krziwić i łod nos sie cofać. Ale dlo tego smaku warto sie trocha poświyńcić. Toż smacznego!!!

[Tedii]

Dawno żech nie jodł wodzionki.

Musza pedzieć mojej co by uwarzyła.

A warzyć umie,oj umie.

Staro szkoła po tyściowej.

Rolada robi tako,że....

Roz w telewizji jakiś gorol godoł jak się robi śląsko rolada.

I wycie co? Ten pieron nie doł do nij ogórka i musztardy!

Myślołech że wyciepna telewizor bez łokno.

A znocie przepis na śląskie kluchy?

Jo znom,ino sie pytom.Bo kaj ida co zezryć, to mi dawają gumiklejzy i godają że to śląskie.By ich pieron szczelił.

[frosch]

coby mi bodzio nie beblol

napisza jak robia czorne kluski

warza kartofle (posolic), odcedzom, przeciskom przez sztampfer

3-4 srogie surowe kartofle tra na miazga i wciepuja do czystyj szmaty do naczyn , fest wyciskom sok

do tych kartofli dodaja maka kartoflano i trocha soli

kulom nie za srogie kluski , w kozdyj robia palcem dziurka na srodku

nastawiom srogi gornek z wodom, sola , czekom az zacznie wrzec i wciepuja kluski , nie za szybko, woda musi colki czos wrzec

jak wyplynom na wierch zmniejszom ogiyn i gotuja jeszcze chwila

aaaaa....colki czos zamieszuja coby sie nie skleily

 

uwaga! nie czekac za dugo z wciepowaniem klusek na woda , bo zrobiom sie fest czorne

 

to tyla

bodzio , sorry , ale jo nie umia tak fajnie pisac jak ty

[bodzio_g]

Widza co sie tukej robi koncik maszkietny

te czorne kluski to właśnie som te ślonskie i nojlepsze

wiync momy rolada ( z konskami ogórka i boczku i z musztardą ), kluski , to brakuje ino ...modry kapusty.

poszatkowano warzy sie w gorcu , dodaje sie soli , i maści tustym.

jo wiyncyj niy wiym , bo przy łobiedzie to jo ino krauza kompotu łodkryncom i maszkieca całom gymbom, a potym smywom tygliki, talyrze i widełki.

Froschka - a co to je ....sorry ?

[frosch]

sorry to takie wybocz mi

 

do tyj modryj kapusty dodowom jeszcze maggi, pieprz i cebulka podsmazono

no i trocha octu

 

jak wontek bydzie maszkietny byda tu czescij zaglondac

 

p.s. do rolad tyz dowom cosik wiecyj

[bodzio_g]

a jo żech myśloł że idzie Ci o takie wielkie sorki ( sorenki)

 

noo teroski juże wiym ...z czym to sie jy ( tyn łobiod

 

 

teroski kawa mrozona ala Gerard

 

Składniki:

Poł litra kawy (zorta podug upodobanio) trocha cukru, sztyry kulki lodow

(nojlepij wanilijowych) tytka bityj śmietonki, kieliszeczek likeru kawowygo.

 

Przyrychtowanie:

Toż, trza uwarzyć kawa , w proporcjach i gatunku jako wom sie podobo.

Potym cza jom loziombić i wsadzić do lodowki - niych czeko na łokazjo.

Jak je wor, abo przyndzie kamrat do łogrodka, to bierecie ta zimno kawa wlywocie do wysokij (koktajlowyj) szklonki tak 3/4 i dodowocie dwie kulki lodow - ino bez bakaliów.

Na wiyrch szprycujecie artystyczno kapa z bityj śmietony

( może być z tytki) wstawiocie rułka - no i miodzio.

 

Jeszcze jedno - ale to ino dlo starszych - trza wloć mały kieliszeczek likieru kawowego abo szekoladowego.

[bodzio_g]

Ślonzok, to brzmi dumnie

 

Ślonzok, to brzmi dumnie!

Kto chce sie do tego prziznać,

niech tak, jak yno umi,

dbo o ta Ojcowizna.

 

Ślonzok, to wielki słowo.

Kery sie nim posługuje,

musi, co chwila na nowo,

pokozać, że na to zasługuje.

 

Starziki za te słowo

w powstaniach życi oddały

i z podniesionom głowom

dlo nas go zachowały.

 

Teraz nie trzeba życio

za Ojcowizna oddować,

chocioż, sposobym bycio.

trza młodym przikład dować.

 

Kery chce być Ślonzokiym,

niech z tego biere nauki,

bo nas po latach, potym,

rozliczom z tego wnuki.

 

autor - Fojerman

[bodzio_g]

STRACH, czyli LYNK

 

 

Nie boja sie niczego, ni tej całej posłów zgraje,

nie boja sie nad ranym jak wracom du dom chaje.

 

Nie boja sie chacharów, co idom z dyskoteki,

nie boja sie, że żywot na starość ni ma lekki.

 

Nie boja sie spowiedzi, choć grzychów za trzech chłopa,

nie boja sie lotanio, jak musza sztyjc do klopa.

 

Nie boja sie plotkorzy, co ozorami mielom,

nie boja sie i tego, że co ni moji dzielom.

 

Nie boja sie straszynio tych, co som po zawale,

nie boja sie powiedzieć, że pietra ni mom wcale.

 

Nie boja sie podatków, akcyzy, ani vatu,

nie boja sie, że wojyn zabraknyć może światu.

 

Nie boja sie kostuchy, że dwiyrze wroz otworzi,

nie boja sie, że ludzie do zgody bydom skorzi.

 

Nie boja sie, że z prawa ci dzierżom teraz władza,

nie boja sie, że młodej w zolytach nie poradza.

 

Nie boja sie, że dziołchy nie zajrzom na mie wcale,

nie boja sie, że padna przi tańcach w karnawale.

 

Nie boja sie i tego, że mie zagloskać mogom,

nie boja sie bandziora, jak ida bez noc drogom.

 

Nie boja sie, że spotkać dobrobyt wszystkich może,

nie boja sie kopruchów, że zjedzom mie na dworze.

 

Nie boja sie, choć chyc je, zjeś pełno miska szpajzy,

nie boja sie ostatni w żywocie swoim rajzy.

 

Nie boja sie teściowej, bo tako /!/ z ni je baba,

nie boja sie i tego, że zjeść mi przidzie żaba.

 

Nie boja sie swej ślubnyj, kiedy spoglondo krziwo,

boja sie yno tego jednego, że moga stracić smak na piwo !

 

autor - Cz. Czaika

[bodzio_g]

Patrze sam co żech piyknygo znoloz

 

http://www.lauba-slonsko.pl/images/stories/Wieczorek/wykozek_gerastert.jpg

http://www.lauba-slonsko.pl/images/stories/Wieczorek/wykozek.jpg

[bodzio_g]

Z przepisów po ślonsku

 

Śliwowica

 

Składniki:

1kg sliw (1/2 z pestkami)

1 kilo cukru

1 liter szpyroniu

1/2 litra czystej gorzołki

 

Przyrychtowanie:

Wszystko rajn do banioczka, szczelnie zawrzyć

(coby procynta nie uciykły).

Miyszać co jakiś czas, aż sie cukier sie rozpuści.

Musi to postoć tak kole 6 tydni w ciymnym miejscu.

Po tym czasie płyn slywomy do flaszek, a śliwki zjodomy

(ale ni wszystki na roz i broń Boże nie wciepujymy gadzinie na plac).

 

autor - Dani

[tomek1950]

Bodziu, jesteś wielki

to pisałem ja, gorol z Warszawy i Mazur

[kuleczka]

Bodzio, przepis super

swoją drogą, ciekawe co, jakby te sliwki zjeść wszystkie naraz

i jakiej to gadzinie nie dawać tych śliwek

nie pajmała

[tomek1950]

Bodzio, przepis super

swoją drogą, ciekawe co, jakby te sliwki zjeść wszystkie naraz

i jakiej to gadzinie nie dawać tych śliwek

nie pajmała

 

każdej

[bodzio_g]

Gadzina to tako co pieje, gdaczy, miałczy i ...hałczy

[bodzio_g]

E r o t y k ś l o n s k i

 

 

Kolybej mie leko,

Jako fala łydki,

Kochej mie pomału,

Niy bydź taki pryndki.

 

Przaj mi tak, jak słonko,

Gynsipympki kocho,

Delikatnie halej,

Bo jo dzioucha płocho.

 

Zabier mie na łąka,

Wywlycz mie do lasu,

Tam, kaj ni ma ludzi,

Poświyńć ździebko czasu.

 

Patrz mi w łoczy ciyngiym,

Modrymi ślypiami,

Kuknij na me bułki,

Dziwuj sie nogami.

 

Podyńść mie sie starej,

Całuj bez litości,

Kiecka mi potargej,

W tyj dzikij miłości.

 

Kolybej mie leko,

Jako wiater kwiotki,

Kochej mie bez gańby,

I darymnyj godki.

 

 

autor - G O R O L

[frosch]

Przaj mi tak, jak słonko,

Gynsipympki kocho,

Delikatnie halej,

Bo jo dzioucha płocho.

chyba hajej

no niy wiym

jo by wolala hajanie

piynkny erotyk , piynkny

az zech sie ..........wzruszula

[bodzio_g]

jedni hajają, drudzy halają - bele robiom to rychtig dobrze